Оҕону ытырбыт ыты туттулар

Дьокуускай куорат Сайсары уокуругун  быраабата телеграмҥа ханаалыгар суруйбутунан, бүгүн, тохсунньу 8 күнүгэр, 15:20  чааска 03 сулууспаттан бэйдиэ сылдьар ыт оҕону ытырбытын туһунан иһитиннэрии киирбит.

Ол курдук ыт оҕону  Макаренко уул.,  8 дьиэтин таһыгар ытырбыт. Иһитиннэрии киирээтин кытта, бырааба бэйдиэ сылдьар ыттары тутар бэдэрээттэһэр тэрилтэтэ ыты туппут. Туһааннаах ыт хаһаайыннаах эбит.

Дьокуускай куорат дьаһалтатыгар Сайсары уокуругун быраабатын салайааччыта  Владимир Слепцов иһитиннэрбитинэн, ыкка ытыртарбыт  8 саастаах оҕо доруобуйата этэҥҥэ.  Ыт оҕону илиититтэн ытырбыт. Балыыһаҕа эмсэҕэлээбит оҕоҕо вакцина туруорбуттар, билигин кини дьиэтигэр баар.