Хаартыска: Ситим
Муус устар 4 күнүгэр бырабыыталыстыба бэрэссэдээтэлин солбуйааччы Сергей Местников 2024-2025 сылларга Оһуохайы сайыннарыы, харыстааһын кэлим былаанын бигэргэттэ.
Ил Дархан Ыйааҕынан, ыам ыйын 25 күнүгэр Оһуохай күнэ олохтоммута. 2022 сыллаахха бастыҥ оһуохайдьыттарга анал истипиэндьийэ анаммыта. Бу кэлим былаан чэрчитинэн, бу сыл бүтүүтэ Кэнсиэпсийэни бигэргэтиэхтэрэ, онно 2030 сылга диэри оһуохайы харыстааһыҥҥа, сайыннарыыга үлэ сыалын-соругун, хайысхаларын торумнуохтара. Маны тэҥэ, быйыл өрөспүүбүлүкэтээҕи Норуот айымньытын уонна социальнай-култуурунай технологиялар дьиэлэрин баазатыгар оһуохайдьыттар айар мастарыскыайдара тэриллиэҕэ.
2025 сылга Национальнай бибилэтиэкэ иһинэн үлэлиир Саха сирин норуоттарын култуураларын, тылларын сыыппараҕа киллэрэр кииҥҥэ оһуохай пуондата тэриллиэҕэ.
Ил Дархан стипендиаттара, оһуохайдьыттар кыттыылаах киинэлэри, тэлэбиидэнньэ, араадьыйа биэриилэрин устуохтара. Эһиил оһуохай уутуйан тэнийбит сирдэринэн култуурунай-туристическай маршруттар, «Түөлбэ оһуохайа» эспэдииссийэ тэриллиэхтэрэ. Оһуохайга анаммыт научнай-популярнай энциклопедия тахсыаҕа. Норуоттар икки ардыларынааҕы, Бүтүн Арассыыйатааҕы, өрөспүүбүлүкэтээҕи, улуустааҕы, куораттааҕы күрэстэр, бэстибээллэр, аахсыйалар ыытыллыахтара.
Ил Дархан, бырабыыталыстыба дьаһалтатын пресс-сулууспата.
Эһиги саахардаах диабеттаах буоллаххытына, глюкометры уонна тест-полоскалары ОМС полиһынан босхо ылыаххытын сөп. Ол туһугар бэйэҕит…
А.Е.Турнин аатынан күрэс уораҕайыгар наартаны үрдүнэн ойууга уолаттар, эр дьон, бэтэрээн эр дьоннор, кыргыттар, дьахталлар…
Сайын ортото – оҕуруот аһа ситэр-хотор кэмэ. Бу кэмҥэ үүнээйини араас үөн-көйүүр буорту гынара оҕуруотчуттар…
Ытык-мааны Таатта сиригэр-уотугар "Манчаары" оонньуулара ыытыллыбыта нэдиэлэ буолла. Бүгүн быһаарыылаах түмүк күн. Хас күн ахсын…
«Мэйии. Үгэс. Ыра санаа» документальнай киинэ сүрэхтэниитэ 2025 сыл балаҕан ыйыгар Дьокуускайга, Санкт-Петербурга уонна Москваҕа…
Бүгүн үс күннээх V өрөспүүбүлүкэтээҕи «Yлэ, иис күрэҕэ» иистэнньэҥ ийэлэр уонна волонтердар күрэстэрэ, «Кыайыы 50…