Ойоҕун улаханнык эчэппит Өлүөхүмэ олохтооҕор холуобунай дьыала тэрилиннэ

Бүгүн социальнай ситимнэргэ Өлүөхүмэ улууһугар биир дьахтары улаханнык эчэппиттэрин туһунан сурах тарҕанна.

Ис дьыала министиэристибэтин пресс-сулууспата иһитиннэрбитинэн, муус устар 7 күнүгэр 9 чаас 20 мүнүүтэҕэ оройуоннааҕы дьуһуурунай чааска биир аадырыстан сокуоннай сааһын ситэ илик оҕоттон суһал иһитиннэрии киирбит.

Полиция үлэһиттэрэ  урут хаста даҕаны сууттана сылдьыбыт 43 саастаах Өлүөхүмэ  олохтооҕун туттулар. Ол курдук эр киһи ойоҕун улаханнык  эчэппит. Дьахтар билигин балыыһаҕа киирбит.

РФ Холуобунай кодексын 111 ыст. 2 чааһынан  «Причинение тяжких телесных повреждений с особой жестокостью, с издевательством и  мучениями для потерпевшего, с применением предмета, используемого в качестве оружия» диэн холуобунай дьыала тэриллибит.