2023 сылга Саха сиригэр ойууру баһаартан харыстааһыҥҥа федеральнай бүддьүөттэн үбүлээһин 1 млрд 619 млн солк., өрөспүүбүлүкэттэн — 984 897 тыһ. солк. тыырыллыа.
Экология, айылҕаны туһаныы уонна ойуур хаһаайыстыбатын министиэристибэтигэр бэлиэтээбиттэринэн, үп ойуур баһаарын утары үлэлэргэ, салгын аалынан, сиринэн мониториннары ыытыыга, уоту умуруорууга, тиэхиньикэни тутууга уонна да атын үлэҕэ туһуланар.
2023 сылга ойуур баһаардарын эрдэттэн бохсорго бэлэмнэнии үлэлэр саҕаламмыттар. Ил Дархан Айсен Николаев Ил Түмэҥҥэ Анал этиитигэр ойуур баһаардарын утары үлэҕэ сүрүн болҕомто сэрэтиигэ уонна суһаллык дьаһаныыга туһаайылларын бэлиэтээбитэ. Көрүү-истии зонатын улаатыннарыы, салгын аалын саҥа отделениеларын тэрийии РФ Айылҕа харыстабылын министиэристибэтин уонна Рослесхоһы кытары бииргэ үлэ салҕанар.
Санатан эттэххэ, 2022 сылга Саха сиригэр ойуур баһаардарын утары үлэҕэ үп көрүллүүтэ 5,5 төгүл үрдүүрэ ситиһиллэн, федеральнай бүддьүөттэн 1 млрд 600 солк тыырыллыбыт. Өрөспүүбүлүкэ бүддьүөтүттэн бу сыалга үп көрүллүүтэ 2,5 кэриҥэ улааппыт. Ол түмүгэр ойуур баһаардарын утары үлэҕэ үлэһит ахсаана эбиллибит, салгын аалынан ботурууллааһын бириэмэтэ түөрт төгүл улааппыт. Быыһыыр сулууспа аэромобильнай бөлөҕө, Томпо, Үөһээ Халыма, Өймөкөөн оройуоннарыгар салгын аалын саҥа отделениелара тэриллибиттэр. Баһаары утары сулууспалар 170-тан тахса тиэхиньикэлэммиттэр.
2021 сылы кытары тэҥнээтэххэ, ойуур баһаара үс төгүл аҕыйаабыт, уот иэнэ уон түөрт төгүл кыччаабыт.
СӨ Ил Дархан уонна Бырабыыталыстыба пресс-сулууспата
Хаартыска СИА
Бу салааты биирдэ амсайбыт киһи умнубат, астына-дуоһуйа сиир аһа. Сайыҥҥы чэпчэки, ол эрээри тотоойу уонна…
Таатталар «Манчаар онньууларын» кэмигэр "Тааттаҕа оҥоһулунна" диэн анал быыстапканы тэрийдилэр. Бу туһунан Дьокуускай куорат олохтооҕо…
Балыксыт күнүн көрсө СӨ Тыатын хаһаайыстыбатын уонна ас-үөл бэлиитикэтин Хоту дойду төрүт салааларын сайыннарыыга уонна…
Госдуумаҕа «Сиэрдээх Арассыыйа— Кырдьык иһин» фракциятын дьокутааттара үлэ миниистирэ Антон Котяковка этии ыыттылар. Бэлиитиктэр сиэннэрин…
Арассыыйаҕа 60-тан үөһэ саастаах суоппардарга сыһыаннаах быраабылалары кытаатыннарарга этии киллэрдилэр. Бу туһунан 2030 сылга диэри…
Таатта улууһугар Ытык Күөлгэ "Манчаары оонньууларынан" бүгүн ыытыллыбыт хотугу дэгит күрэс кыайыылаахтара быһаарылыннылар. Хотугу дэгит…