Хаартыска О.Саввинова тиксэриитэ
Өлүөхүмэ улууһун баһылыгын солбуйааччы Оксана Саввинова байыаннай сулууспалаахтар дьиэ кэргэттэригэр көмөлөһүүгэ волонтердар хамсааһыннарын үлэтэ көдьүүстээхтик салҕанан бара турарын, бу көмөнү оҥорууга волонтердар кииннэрин оруоллара улаханын бэлиэтээн кэпсээтэ.
— Өлүөхүмэ улууһугар волонтер хамсааһынан икки киинэ үлэлии турар. Биир киин байыаннай дьайыыга кытта барбыт байыастарга гуманитарнай көмөнү оҥоруунан чопчу дьарыктанар. Иккис киин байыаннай сулууспалаахтар дьиэ кэргэттэригэр көмөлөһүүгэ, дьиэҕэ-уокка араас үлэлэргэ тус аадырыстаах көмөнү оҥорууга үлэлиир.
Хас биирдии ыалга куратордар сыһыарыллыбыттара, кинилэр волонтердар үлэлэрин сүрүннүүллэр. Үлэ кэлэктииптэрэ эмиэ көрө-истэ, көмөлөһө сылдьаллар. Улууска маны таһынан саллааттар ийэлэрин, аймахтарын кэмитиэтэ үлэлиир.
Аҕа дойдуну көмүскээччи күнүн көрсө «Будь спокоен, солдат» аахсыйанан үлэ ыытыллыбыта. Онно волонтердар ыстааптарыттан бу ыалларга сылдьан, туох көмөҕө наадыйалларын билсэн, истиҥник кэпсэтэн, көх-нэм буоллулар. Соторутааҕыта Шевелева Любовь уонна Елец Наталья улуустааҕы дьахтар Сэбиэтин бэрэссэдээтэлин солбуйааччы Рабданова Дарья салалтатынан быстах ыҥырыынан байыаннай эпэрээсийэҕэ барбыт эдэр байыас кэргэнигэр кыбартыыра өрөмүөнүгэр көмөлөспүттэрэ хайҕаллаах дьыала. Быстах ыҥырыынан сулууспалыыр байыас кэргэнэ Кузьмина Анна салайыытынан Өлүөхүмэтээҕи техникум устудьуоннара, солбуллубат волонтердара байыаннай эпэрээссийэҕэ сылдьар дьон дьиэ кэргэттэригэр туох наада буоларынан өрүү көмөлөһөллөр. Солдатов Сергей Вячеславович салалталаах Өлүөхүмэтээҕи ОДьКХ филиала маннык дьиэ кэргэттэри шефтэһэн үлэлээһин бэрээдэгинэн болҕомтоҕо ылан, биир да көрдөһүүлэрин быһа гыммакка, көмөлөһө олороро махталлаах.
Хомуллубут харчынан бу күннэргэ волонтердар кииннэрэ 57 рацияны ылан, байыаннай дьайыыга сулууспалыы сылдьар биир дойдулаахтарбытыгар ыытан эрэллэр. «Бары бииргэ!» волонтердар хамсааһыннарын улуустааҕы ыстаабын аатыттан сааскы сандал күнүнэн байыаннай сулууспалаахтарбыт ийэлэригэр, кэргэттэригэр, эдьийдэригэр, балыстарыгар итиэннэ волонтердарбыт кэрэ аҥардарыгар, көмөлөһүүттэн туора турбат улууспут бары дьахталларыгармахтанабыт уонна бары үтүөнү баҕарабыт.
Биһиги байыастарбыт иэримэ дьиэлэригэр этэҥҥэ эргиллэн кэллэллэрин күүтэбит.
Үс сыл аннараа өттүгэр култуура салалтатын, нэһилиэк дьаһалтатын көҕүлээһинэн саҕыллан тахсыбыт "Оһуор үҥкүүтүн уруйдуубут!" тэрээһин…
Норуот суруйааччыта Наталья Михалева-Сайа алгыстаах сааһын «Барыта баар этэ...» диэн ымыылаах ырыа киэһэтинэн бэлиэтээри бэлэмнэнэр.…
Өрөспүүбүлүкэ бары храмнарыгар Пасхатааҕы сулууспалар буоллулар. Бу сырдык бырааһынньыгы көрсө Ил Дархан Айсен Николаев Преображенскай…
Өлүөнэ өрүскэ муус сүрүннээн өрөспүүбүлүкэ иһинэн Ленскэй оройуонунан уонна Иркутскай уобалас Киренскэй уобалаһынан устар. Бүгүн…
Бүгүн, ыам ыйын 5 күнүгэр, Хатаска уонна Дьокуускайга Иван Тихоновы көрдүүр дьон муһуннулар. Сүппүт уолу…
Быйыл кулун тутарга Крым Өрөспүүбүлүкэтэ уонна Севастополь куорат Арассыыйа састаабыгар киирбиттэрэ уон сыла буолбута. Севастополь…