Бүгүн, сэтинньи 1 күнүгэр, СӨ Бырабыыталыстыбатын бэрэссэдээтэлин солбуйааччы Ольга Валерьевна Балабкина Ил Дархан уонна Бырабыыталыстыба социальнай ситимнэриттэн быһа эпииргэ таҕыста. Быстах хомуурга барбыттар дьиэ кэргэттэрин өйүүр миэрэлэр туһунан сиһилии кэпсээтэ, ыйытыыларга хоруйдаата.
Ыйытыы: Бу соторутааҕыта сокуонунан холбоспуппутун кэнниттэн кэргэммин хомуурга ыҥырбыттара. Биир кэмнээх төлөбүрү ылар кыахтаахпын дуо?
Хоруй: «МФЦ» киин нөҥүө сайаапка ыыттаххына, кэргэниҥ сылдьар байыаннай чааһыттан бигэргэтиллибит испииһэк кэлиэхтээх, оччотугар төлөбүрү сокуоннай ойоҕо ылар бырааптанаҕын.
Ыйытыы: Ииппит уолбут хомуурга түбэспитэ. Бу түгэҥҥэ биһиги, ииппит төрөппүттэрэ, биир кэмнээх төлөбүрү ылабыт дуо?
Хоруй: Хомуурга барааччы сокуоннай бэрэстэбиитэллэрэ буоларгыт быһыытынан төлөбүрү ылаҕыт.
Ыйытыы: 200 тыһыыынча солкуобай кээмэйдээх биир кэмнээх төлөбүр биһиэхэ түһэ илик. Тоҕо?
Хоруй: Хомуурга сылдьар киһи байыаннай чааһыттан бигэргэтиллибит испииһэк кэлиэхтээх. Билиҥҥэ кэмҥэ Приморскай кыраай, Забайкалье байыаннай чаастарыттан тустаах докумуоннар кэлэ иликтэр.
Ыйытыы: Мин кэргэннээхпин, устудьуон кыыс оҕолоохпут. Кэргэним кыыһын докумуонунан билинэ илик, хомуурга барбыта. Бу түгэҥҥэ кыыспытыгар истипиэндьийэ көрүллэр дуо?
Хоруй: Биһиэхэ сибээскэ тахсаарыҥ, быһаарсыахпыт. Кэргэниҥ сулууспалыы сылдьар байыаннай чааһыгар тустаах докумуону ыытан, бу түбэлтэни быһаарыахпытын сөп.
Ыйытыы: «Төлөбүргэ уочарат» диэн тугуй?
Хоруй: Төлөбүрү бастатан туран, сокуоннай ойоҕо ылар. Бу табыллыбатаҕына, оҕото, төрөппүттэрэ, сокуоннай бэрэстэбиитэллэрэ ылыахтара. Маны «очередность» диибит.
Ыйытыы: Мин гражданскай кэргэним хомуурга ыҥырыллан барбыта, уопсай икки оҕолоохпут. Ол үрдүнэн биир кэмнээх төлөбүрү ылыыга аккаас кэлбитэ. Хайдах буолабыт?
Хоруй: Оҕолоруҥ ааттарыттан сайабылыанньаны ыытан көрөргөр сүбэлиибин.
Ыйытыы: Хомуурга барбыт дьон төрөппүттэрин ханнык санаторийдарга ыытыахтарай?
Хоруй: Арассыыйа иһигэр баар санаторийдарга куонкурус быһыытынан ыыталлар.
Ыйытыы: Күһүҥҥү хомуурга ыҥырыллыбыттары Донбааска ыытыахтара дуо?
Хоруй: Бу куруук буоларын курдук сылга иккитэ ыытыллар хомуур. Донбааска ыыппаттар.
Андрей Находкин, Ил Түмэн Сир сыһыаннаһыыларыгар, айылҕа ресурсаларыгар уонна экологияҕа сис кэмитиэтин бэрэссэдээтэлэ. Патриотизм туһунан санаатын…
Ыччаты байыаннай-спортивнай бэлэм уонна патриоттуу тыыҥҥа иитии боппуруостарын Ил Дархан Айсен Николаев уонна "Буойун" киин…
Эбийиэктэргэ баһаартан сэрэхтээх буолууну, санитарнай нуормалары тутуһууну уо.д.а. боппуруостары "Азия оҕолоро" норуоттар икки ардыларынааҕы спортивнай…
Ил Дархан Айсен Николаев уонна СӨ Ил Дарханын иһинэн үлэлиир Урбаан сүрүннүүр сэбиэтин бэрэссэдээтэлин солбуйааччыта, …
Дьокуускайга 20 №-дээх оскуола саҥа модульнай успуорт саалатыгар 850-тан тахса оҕо успуордунан дьарыктанар. "Соникс" спортивнай…
2024 сылга Саха сиригэр доруобуйа харыстабылын 11 эбийиэгэр хапытаалынай өрөмүөн ыытыллыа. Саха сиригэр федеральнай бүддьүөт…