А.Рудых хаартыскаҕа түһэриитэ
СӨ Бырабыыталыстыбатын Бэрэссэдээтэлин солбуйааччы Ольга Балабкина Ленскэйгэ байыаннай эпэрээссийэ кыттыылаахтарын кэргэттэрин, ийэлэрин кытта көрүстэ. Кини Ил Дархан Айсен Николаев «Байыаннай сулууспалаахтар дьиэ кэргэттэрин өйүүр миэрэлэр тустарынан» ыйааҕынан өрөспүүбүлүкэ салалтата ыытар үлэтин, байыаннай эпэрээссийэ кыттыылаахтарын чөлгө түһэрии үлэлэрин туһунан кэпсээтэ. Вице-премьер уонна оройуон байыаннай комиссара Юрий Шумилов ыйытыыларга хоруйдаатылар.
Көрсүһүү кыттыылаахтара байыаннай эпэрээссийэ зонатыгар сылдьар киһиэхэ уонна байыаннай эпэрээссийэ кыттыылааҕа буоларын туһунан ыспыраапка тоҕо бэриллибэтин ыйыталастылар. Маныаха военкомат байыаннай сулууспалаах мобилизацияҕа ыҥырыллыбытын туһунан ыспыраапканы биэрэрэ этилиннэ. Бу ыспыраапканан байыаннай эпэрээссийэ кыттыылааҕын дьонугар төлөбүр уонна чэпчэтии оҥоһулларын быһаардылар. Салгыы баһыылкалары, ол иһигэр гуманитарнай көмөнү тиэрдии туһунан ыйытыыга, военком подразделениелар биир сиргэ олорбокко көһө сылдьар буоллахтарына, кэмигэр тиэрдиллибэккэ хаалыахтарын сөбүн эттэ. Маны таһынан, волонтердары бойобуой дьайыылар буола турар сирдэригэр киллэрбэттэрин, гражданнары киллэрии эмиэ бобуулааҕын ыйдылар.
Ольга Балабкина байыаннай сулууспалаах баар сирэ кистэлэҥҥэ тутулларын эттэ. Санатан эттэххэ, Ил Дархан Айсен Николаев сорудаҕынан испииһэги чопчулуурга, СӨ Үлэ министиэристибэтин үлэһиттэрэ байыаннай чаастарга бара сылдьыбыттара. Чопчуламмыт испииһэгинэн аймахтара төлөбүрү ылаллар уонна өйөбүл миэрэлэринэн туһаналлар.
Ольга Балабкина Ил Дархан Айсен Николаев көҕүлээһининэн тэриллибит, байыаннай эпэрээссийэ кыттыылаахтарын дьиэ кэргэттэригэр өрөспүүбүлүкэтээҕи Telegram-канал туһунан санатта. Маннык канал Ленскэй оройуонугар эмиэ баар, онно наадалаах иһитиннэриини булуохха, ыйытыыга хоруйу ылыахха сөп.
СӨ Ил Дарханын уонна Бырабыыталыстыбатын пре
Сэтинньи 6 күнүгэр Нерюнгри куоракка тулаайах оҕолорго уонна төрөппүт көрүүтэ-харайыыта суох хаалбыт оҕолорго Виктор Ждамиров…
Сулустар тугу түстүүллэр? ХОЙ Хой бэлиэлээхтэргэ тыҥааһыннаах, ыксаллаах балаһыанньа үөскүүр куттала улаатар. Үп-харчы өттүгэр дохуоккунороскуоккун…
Бээтинсэ түүнүгэр Дьокуускайга салгын температурата -26...-28 кыраадыска диэри тымныйыаҕа. Күнүс Саха сиринээҕи гидрометеосулууспа кыралаан хаардыырын…
2025 сылга биисинэһи өйүүр сыаллаах «Көдьүүстээх уонна күрэстэһиилээх экэниэмикэ» саҥа национальнай бырайыак саҕаламмыта. Национальнай бырайыак…
Арассыыйа Бэрэсидьиэнэ Владимир Путин көҕүлээһининэн ыытыллыбыт «Доруобуйа харыстабыла» национальнай бырайыагы олоххо киллэрии кэмигэр Саха сирин…
Ааспыт нэдиэлэҕэ байыастарга анаан үс тиэхиньикэ барда. Бу туһунан "Бары бииргэ Кыайыыга!" хамыыһыйа сүрүннүүр киинин…