“Олох инфраструктурата”  нацбырайыакка 2030 сылга диэри 155 млрд тахса солк. ыытыахтара

2025 сылга РФ Бэрэсидьиэнэ Владимир Путин көҕүлээбит “Инфраструктура для жизни” национальнай бырайыак үлэтин саҕалаабыта. Тустаах бырайыак өрөспүүбүлүкэ 43 нэһилиэнньэлээх пуунун хабар.

Ил Дархан Айсен Николаев Анал этиитигэр бэлиэтээбитинэн, бу пууннары сайыннарыыга 2030 сылга диэри 155 млрд солк. тахса инвестицияланыаҕа.

Уопсайа 472 тэрээһин киирэр. Ол курдук, дьону хаарбах дьиэттэн көһөрүүнү сэргэ олорор дьиэлэри гаастааһын, көҥүлэ суох сыбаалкалары суох оҥоруу, үөрэх, доруобуйа харыстабылын уо.д.а. эбийиэктэри тутуу уонна өрөмүөннээһин уонна да атыттар.

“2030 сылга тирэх нэһилиэнньэлээх пууннрга дьиэ-уот пуондатын саҥардыы, тупсаран оҥоруу, тырааныспар тиксимтиэтин, уулуссалары уонна социальнай эйгэ эбийиэктэрин нуормаҕа эппиэтиир оҥорууга 2019 сылга тэҥнээтэххэ 30 быр кэриҥэ улаатыахтаах”, — диэбитэ Айсен Николаев.

Дойдуга тирэх нэһилиэнньэлээх пууннары тэрйии былырыын саҕаламмыта. Ону РФ Экэниэмикэ сайдыытын министиэристибэтэ ыыппыта. Дьокуускай к. куорат агломерациятын быһыытынан киирбитэ, Нерюнгри, Уус Куйга, Аллараа Бэстээх сайдыы саҥа туочукаларын курдук. Атын 38 пуун – бу оройуоннар кииннэрэ.

“Инфраструктура для жизни” нацбырайыак – олорорго табыгастаах эйгэни тэрийии. Саҥардыллыбыт бырайыактар РФ Бэрэсидьиэнин Владимир Путин быһаарыытынан олоххо киирэллэр.

sakha.gov.ru

Сиһилии: https://www.sakha.gov.ru/news/18284