«Олох күүһэ: Хоту сир. Сибиир. Уһук Илин» литературнай мастарыскыай ыҥырар

«Переделкино пенал» телеграмм-ханаалыгар нивх суруйааччыта Владимир Санги төрөөбүтэ 90 сылыгар аналлаах «Олох күүһэ: Хоту сир. Сибиир. Уһук Илин» литературнай мастарыскыайга сайаапкалары ылыыны саҕалаабытын туһунан биллэрэр.

Резиденция Хотугу сир, Сибиир уонна Уһук Илин төрүт олохтоох аҕыйах ахсааннаах норуоттарын ассоциациятын уонна аҕыйах ахсааннаах норуоттар үгэс буолбут билиилэрин уонна тылларын-өстөрүн киинин кытта кыттыһан ыытыллар. Мастарыскыай муус устар 18-24 күннэригэр Переделкино Айар дьиэтигэр ыытыллыа. Сайаапкалары кулун тутар 14 күнүгэр диэри саайт нөҥүө биэриэххитин сөп.

Тэрээһиҥҥэ Хотугу сир, Сибиир уонна Уһук Илин 28 эрэгийиэнигэр олорор төрүт олохтоох омуктар бэрэстэбиитэллэрин, ааптардарын ыҥыраллар.

Резиденцияҕа ааптардар Арассыыйа биллиилээх суруйааччыларын уонна эрэдээктэрдэрин кытта билсиэхтэрэ, тиэкис суруйуохтара уонна Переделкина айар холбоһугун кытта көрсүөхтэрэ. Тэрээһин «Сахалинская Энергия» ХЭУо көмөтүнэн ыытыллар.