Олохтоох көҕүлээһиннэри өйүүр бырагыраамаҕа Ньурбаттан 2 бырайыак кыттыаҕа

Үп министиэристибэтин бирикээһигэр олоҕуран ыытыллар өрөспүүбүлүкэтээҕи олохтоох көҕүлээһиннэри өйүүр бырагыраама (ППМИ), муниципальнай тэриллиилэргэ олохтоох суолталаах боппуруостарын быһаарарга кыах биэрэр. Ити чэрчитинэн улуус нэһилиэктэригэр олоххо киирбит бырайыактар элбэхтэр. Итини олохтоохтор бэйэлэрэ мунньахтаан быһаарсан талбыт уонна олоххо киириитигэр үлэлэспит, кыттыспыт буолан билэллэр.

Быйыл  Ньурба улууһуттан ППМИ-ны 12 бырайыак ааспыта. Бырайыактар хабар эйгэлэрэ араас: маассабай сынньалаҥ, уунан хааччыйыы, суол, физическэй култуура уонна спорт, баһаартан куттал суох буолуута, уулусса сырдатыыта.

Кэлэр сылга олохтоох көҕүлээһиннэри өйүүр бырагыраамаҕа  нэһилиэктэртэн 2 бырайыак талылынна. Ол курдук, Өҥөлдьө оскуолатыгар оҕо спортивнай-оонньуур былаһааккатын  уонна Н.Н.Чусовской аатынан Антоновка орто оскуолатыгар  суолу оҥоруу бырайыактара.