Түмэлгэ түмүстүлэр, олоҥхону сэҥээрэн иһиттилэр

Туймаада хочотун олохтоохторо, ыалдьыттара Былатыан Ойуунускай аатынан литература түмэлигэр түмүстүлэр.

Манна үс күн устата «Олоҥхо киэһэлэрэ» ыытыллар. Бу Олоҥхо тыйаатырын уонна Былатыан Ойуунускай аатынан литература түмэлин холбоһуктаах бырайыактара.

Бастакы күн мустубут ыалдьыттарга Олоҥхо тыйаатырын артыыһа Василина Баланова-Кэрэмэс Лыҥкыр Өлүөхүмэ олоҥхоһута, ССРС суруйааччыларын холбоһуктарын чилиэнэ М.Т.Шараборин-Кумаров «Дуо Бухатыыр» олоҥхотун толордо.

Дьон-сэргэ сэҥээрэн иһиттэ. Оҕолорун илдьэ кэлбиттэрэ өссө кэрэхсэбиллээх буолла.

Артем Осипов хаартыскаларга түһэриитэ