Сунтаар улууһун баһылыга Анатолий Григорьев уонна аҕалар түмсүүлэрин көҕүлээһиннэринэн, Олоҥхо муҥхата бу күннэргэ Аллыҥа нэһилиэгэр ыытылынна.
Көчүй диэн улахан күөлгэ оскуола оҕолоро уонна муҥханы таптааччылар — барыта 260-ча киһи муһунна. Сарсыарда 9 чаастан хара киэһээҥҥэ диэри оҕолор муҥха ньыматын, араас албастарын сэргии көрдүлэр, үлэ көрүҥэр барытыгар холоннулар. Онон үүнэр көлүөнэни төрүт үгэскэ сыһыаран, айылҕаҕа сылдьыы сиэрин-туомун тутуһалларыгар үөрүйэҕи иҥэрэн бэрт тэрээһин буолла.
Барыта 3 муҥха түстэ. Ол аата Көчүй күөлэ улаханын туоһулуур. Балыгы күрүчүөктүү үүрэн киллэрэн, 21 куул балыгы ыллылар. Күөх боллох бэлэҕэ хас биирдии киһиэхэ тиксэн, сахалыы сэмэйдик үөрдүбүт, астынныбыт.
Ону тэҥэ култуура эйгэтин үлэһиттэрэ Аллыҥа кулуубугар олоҥхолоон доллоһуттулар. Оҕолор сыалы ытыы, маһы эрбэтии курдук күрэхтэргэ кииристилэр.
Дьаархан фермерэ Василий Васильев биир атах эти спонсордаан, кулуһуҥҥа сибиэһэй миин, соркуой, плов курдук аһы Аллыҥа асчыттара астаан күндүлээтилэр.
Сунтаар улууһун дьаһалтатын пресс- сулууспата
Мииринэйгэ Александр Федотов кэриэһигэр Бүтүн Арассыыйатааҕы боксаҕа күрэхтэһии полуфинальнай киирсиилэрэ түмүктэннэ. Бүгүн, от ыйын 5…
От ыйын 4 күнүгэр Ленскэй куоракка чааһынай учаастакка баһаар тахсыбытын туһунан судаарыстыбаннай баһаарынай чаас дьуһуурунайыгар…
Тааттаҕа күрэс төрүт көрүҥнэригэр далааһыннаах күрэхтэһии буолара бу кэллэ. "Өрөгөй" ансаамбыл толоруутугар "Манчаары оонньууларын өрөгөй…
81 саастаах Пелагея Петровна Семенова ыраах диэбэккэ, Хаҥалас Нөмүгүтүттэн айаннаан кэлэн, Нерюнгригэ Олоҥхо ыһыаҕар кытта…
Сайыҥҥы кэмҥэ, Саха сирин нэһилиэнньэлээх пууннарыгар, геологическай баазаларга, дьон сынньанар сиригэр, сыбаалкаларга уо.д.а., хагдаҥ эһэлэр…
От ыйын 4 күнүттэн Дьокуускайга Норуоттар икки ардыларынааҕы VIII киинэ бэстибээлэ саҕаланна. Бэстибээлгэ Арассыыйа уонна…