Олунньутааҕы «Чолбон»: Угледар, Баку, медбрат уонна сгущенка уоруйаҕа

— «Чолбон» сурунаал бастакы нүөмэригэр тахсыбыт Б.Нь. Лөгүөнтэйэп, Ө.С.Байаарап уонна А.У.Соппуруонап аан тыллара;

— 51 күн анал байыаннай дьайыыга инники кирбиитигэр, өлүү уонна тыыннаах хаалыы ытылҕаныгар сылдьыбыт саха байыаһа Лоокуут «Инники кирбиигэ» ахтыы уочарката;

— Сэрии тыйыс кырдьыга уонна Гиппократ андаҕара алтыһыыларын туһунан Н.Д. Неустроев аатынан эдэр суруйааччылар бириэмийэлэрин лауреата Сардаана «Медбрат» кэпсээнэ;

— Поэт Василий Босяк төрөөбүтэ 80 сылынан «Дьылҕа Хаан! Тиэтэтимэ дуу дьөһөгөй оҕотун!…» хоһооннорун бөлөҕө;

— Учуутал Жанна Барашкова «Дьол хайдах өҥнөөҕүй?…» саҥа хоһооннорун бөлөҕө;

— Анал байыаннай дьайыыга сахалар кыттыыларын, сэрии уонна ытык иэс, өлүү уонна кэлэр кэскил туһунан драматург Сиэн Өкөр «Угледар буора» пьесата;

— Уоруйах оҕо мүччүргэннээх сырыытын туһунан удмурт суруйааччыта Елена Сараматова «Сгущенка уоруйаҕа» кэпсээнэ Лилия Иванова тылбааһыгар;

— «Олоҥхо дойдутун айар түмсүүлэрэ» рубрика ыалдьыта – Кэбээйи улууһун «Лена долгуннара» түмсүүтэ: Ньургустаана Дьяконова-Таана, Валентина Кондакова-Айтыына, Аграфена Павлова-Арапыана, Светлана Самсонова-Сиибиктэ кэпсээннэрэ, Любовь Борисова-Таптал Чагда, Саргылаана Докторова-Айар Саргы, Вера Прокопьева-Итэҕэл хоһоонноро;

— Түүр омуктар латиницаҕа көһүүлэрин уонна онно сахалар суолталарын туһунан Утум Захаров «1926 сыл: сахалар – Бакуга. Түүрдэри үөрэтиигэ анаммыт маҥнайгы съезд 100 сылыгар» ыстатыйата;

— «Биллиилээх суруйааччылар биографияларыгар» Суоһааны суруйааччы уонна учуонай олоҕун биллибэт өрүттэрин сырдатар «Күндэ. Ураты суруйааччы кыыһар туҥата» ыстатыйата;

— Апокалипсис кэннинээҕи кэм туһунан Е.Г.Старостин-Байаҕантай «Көр эрэ сулуһу» кэпсээнин П.А.Ойуунускай «Улуу Кудаҥса» айымньытын кытта тэҥнии тутан В.Н.Протодьяконов аатынан кириитикэ күрэһигэр 2-с миэстэлээх Светлана Винокурова «Тойон уонна ойуун: былыргы номох уонна аныгы фантастика» ырытыыта;

— Оҕо дьиэтиттэн тоҕо күрүүрүй? Ол туһунан башкир суруйааччыта Айгиз Баймухаметов «Көтөр буолан эргиллиэм» сэһэнигэр «Биир ыал трагедията…» ааҕааччыларбыт санаалара;

— «Оҕоҕун кытта аах» рубрикаҕа Николай Якутскай тылбааһыгар «Дьээбэлээх Педро» диэн испанныы остуоруйа.

 

Алгыһы кытта «Чолбон» сурунаал