Хаартыска: СИА
Ыам ыйын 28 күнүгэр Ил Түмэн сэттис (уочараты таһынан) пленарнай мунньахха норуот дьокутааттара нэһилиэнньэ быыбардарга уонна референдумнарга кыттар бырааптарын олоххо киллэриигэ уларытыылары киллэрии туһунан сокуон бырайыагын ылыннылар.
Бу сокуон барылын Ил Түмэн көрүүтүгэр норуот дьокутааттара А.С. Владимиров, А. З. Колодезников, Н.И. Кульбертинов уонна И.П. Луцкан киллэрдилэр. Уларытыыны киллэрии федеральнай сокуоннарга сөп түбэһиннэрэн оҥоһулунна. Ол курдук, Саха сиригэр омук агеннара араас таһымнаах быыбарга хандьыдаат, хандьыдаат боломуочуйалаах бэрэстэбиитэлэ, быыбардыыр холбоһуктар чилиэнэ буолан кытталлара тохтуур.
Санатан суруйдахха, бу иннинэ дойду Бэрэсидьиэнэ Владимир Путин омук агеннарын быыбарга кытталларын бобор туһунан сокуоҥҥа илии баттаабыта. Бу хааччахтар бары таһымнаах быыбардары кытта сибээстээх.
Ити курдук, быыбарга кыттар хандьыдааттары регистрациялыырга наадалаах докумуоннарыгар омук агенын ыстаатыһа тохтуллубутун туһунан докумуон ирдэниэҕэ. Маны таһынан омук агеннара быыбар холбоһуктаах бэрэстэбиитэлинэн буолара эмиэ кыаллыбат.
Сокуонунан омук агеннара быыбарга кэтээн көрөөччүлэр, боломуочуйалаах бэрэстэбиитэллэр эбэтэр хандьыдааттар уонна баартыйалар итэҕэтиилээх сирэйдэринэн, ону тэҥэ быыбардыыр пуондаларга сиэртибэлээччилэринэн буолаллара сатаммат.
Дьокуускай куорат борокуратуурата киин куорат икки олохтооҕун туһунан судаарыстыбаннай буруйдааһыны өйөөтө. Кинилэр РФ ХК 126-с…
Бүгүн, ахсынньы 20 күнүгэр, Дьокуускай куоракка өрөспүүбүлүкэ бары муниципальнай оройуоннарыттан уонна куорат уокуруктарыттан 8-11 кылаас…
Дойдутааҕы МАХ мессенджергэ 75 мөлүйүөн туһанааччы бэлиэтэннэ. Платформа пресс-сулууспата иһитиннэрбитинэн, ахсынньыга сервиһи ортотунан суукка аайы…
Саҥа дьыллааҕы бырааһынньыктар иннинэ түөкүттэр былаас аатыттан сымыйа төлөбүрдэринэн уонна «бэлэхтэринэн» албынныыр ньыманы көхтөөхтүк туһанан…
Ахсынньы 20 күнүгэр Дьокуускайга «Спортивнай» түөлбэҕэ элбэх хайысхалаах успуорт саалатын үөрүүлээх аһыллыыта буолла. СӨ Ил…
Ахсынньы ыйыгар Саха сиригэр кыһыҥҥы суоллар аһыллыбыттарын үрдүнэн, улуустар икки ардыларынааҕы таксыы сыанатыгар биллэр-көстөр чэпчэтии…