Быйыл Ийэ тыл, сурук-бичик күнүгэр «Ийэ тылгын харыстаа» диэн аахсыйа тэрилиннэ. Сүрүн сыала — куйаар ситимгэр сахалыы саҥа эйгэтин кэҥэтии, элбэтии. Национальнай бибилэтиэкэ уонна Арктикатааҕы ускуустуба, култуура института «Приоритет» бырагыраама чэрчитинэн, Оҥоһуу өй (исскуственнай интеллект) сахалыы өйдүүрүн туһугар бэрт кэскиллээх үлэни саҕалаабыттар. Оҥоһуу өй көмөтүнэн саха тылы үөрэтиэххэ, тылбаастыахха, видеолары сахалыы саҥардыахха, тиэкистэри суруйуохха сөп.
Ол курдук, бибилэтиэкэ генеральнай дириэктэрин бастакы солбуйааччы Василий Борисов «Сахамедиа» генеральнай дириэктэрэ Виктор Колесовка кэлэн ыалдьыттаан, кэпсээн-ипсээн барда.
— Бастакы түһүмэххэ, Оҥоһуу өй сахалыы саҥаны өйдүүрүн туһугар, сахалыы саҥаны хомуйабыт. Салгыы бибилэтиэкэҕэ түмүллүбүт, сыыппараламмыт, куйаар ситимигэр баар саха тыла-өһө барыта наарданан, Оҥоһуу өйгө өйүн эбиэҕэ, — диэн кини эттэ.
Онон сыыппара волонтердара баҕалаах дьонтон сахалыы саҥа уһуллубутун анал саайтка хомуйаллар. Аахсыйа киэҥник тарҕаныан, элбэх киһи саҥата хомуллуон наада. Бырайыакка киирбит аудио матырыйааллар сахалыы өйдүүр Оҥоһуу өй оҥоһулларыгар туһаныллыахтара.
Бу саайтка киирэн аах, бэрэбиэркэлээ. Дьонуҥ, доҕотторуҥ бары кытынныннар. Араас куолас наада. https://voice.nlrs.ru/ Бу саайтка киирэн, саҥаҕын хааллар.
Дьокуускайга Стадухина уулуссаҕа 14 саастаах уолу кырбаабыт 45 саастаах эр киһиэхэ холуобунай дьыала тэрилиннэ. Бу…
Алтынньы 18 күнүгэр Саха Өрөспүүбүлүкэтин Ил Дархана Айсен Николаев уонна СӨ Судаарыстыбаннай Мунньаҕын (Ил Түмэн)…
Ааспыт нэдиэлэттэн Арассыыйа үрдүнэн ордук үрүҥ ас сыаната үрдээтэ. Алтынньы 8-14 күннэригэр дойдуга сыана хайдах…
“Саха сирэ” хаһыат бүгүн ”Тыа сирэ - уйгу төрдө” диэн анал таһаарыылаах таҕыста. Анал сыһыарыыны…
Саха сиригэр хаһаайына суох бэйдиэ сылдьар кыыллары иитии тэрээһиннэригэр үбүлээһини улаатыннаран, 100 мөл. солк. диэри тиэрдэр…
Социальнай харысхал өрөспүүбүлүкэтээҕи комплекснай киинэ Донбасска Хотугулуу-илиҥҥи көмөнү уонна өйөбүлү оҥоруу пуондатыгар ПАЗ-32054 оптуобуһу туттарда.…