Оҥоһуу өйгө анаммыт Б8 акселератор үлэтин саҕалаата

Муус устар 18 күнүттэн онлайн киэбинэн «Б8» акселерационнай бырагыраама 11-с түһүмэҕэ саҕаланна. Бу түһүмэх ИТ-бородуукталарга оҥоһуу өйү киллэрэргэ анаан хайысхаланна.

Кыттааччылар акселерационнай бырагырааманы ааһыахтара, итиэннэ маастар-кылаастарга кыттыахтара, эспиэрдэри кытта үлэлиэхтэрэ. Бастыҥ бырайыактары Туймаада ыһыаҕын кэмигэр сүрэхтиэхтэрэ. Онтон талыллыбыттар олоххо киирэллэригэр диэн үбүлэниэхтэрэ.

Итиэннэ финалистар Сбертан анан бирииһинэн наҕараадаланыахтара.

«Бородуукталарга оҥоһуу өйү туһаныы — бу инновация ырыынагар утарылаһар кыахтаах буолуу, идиэйэни олоххо киллэрэргэ харчыны тардааһын. Онон Б8 акселератор сыалынан оҥоһуу өйү сөпкө туһаныы, ону элбэтии буолар», — диэн инновация, цифровой сайдыы уонна инфокоммуникационнай технологиялар миниистирэ Василий Ефимов этэр.

11-с түһүмэххэ Дьокуускайтан, Москваттан, Санкт-Петрбургтан, Красноярскайтан, Уфаттан уонна Новосибирскайтан 15 хамаанда кыттар.