«Орто-дойду» зоопарка үрүҥ эһэлэрэ биир сылларын туоллулар

Сыл анараа өттүгэр ахсынньы 4 күнүгэр туора харахтан кистээн Колымана икки игирэ үрүҥ эһэ оҕону төрөөбүтэ. Кинилэр үрүҥ эһэ дьиэ кэргэттэригэр үһүс төгүл эбилиилэринэн буолаллар. Бу туһунан Экология министиэристибэтин пресс-сулууспата иһитиннэрэр.

Үрүҥ эһэ оҕолорун ааттарын «Орто-дойду» зоопарка уонна «Роснефть»НК ПАО тэрийбит Бүтүн Арассыыйатааҕы куонкуруһунан талбыттара. Ол түмүгэр Вилюй уонна Яна диэн ааттаммыттара.

«Бу сайын устата кинилэри тас көстүүлэринэн киһи араарбат этэ, арай хараахтардарынан киһи билэрэ. Яна сүрдээх мэник-тэник, Вилюй холку уонна сэрэҕэдийэр соҕус. Билиҥҥитэ Вилюй лаппа улахан уонна Янаны кытта оонньууругар иннин биэрбэт. Күн ахсын кинилэр бассейнҥа хатааһылыы оонньууллар», — диэн үллэһиннэ «Орто дойду» зоопарка үлэһитэ .