Орто Халымаҕа аҕыс дьиэ тутуллуо

Share

Орто Халымаҕа хаарбахтан саҥаҕа көһөрүү бырагырааматынан аҕыс дьиэ тутуллуо.

Ил Дархан Айсен Николаев үлэтинэн Орто Халыма оройуонугар сылдьан, «2019-2025 сс.гражданнары хаарбах туруктаах дьиэлэртэн көһөрүү» өрөспүүбүлүкэтээҕи бырагырааманан үлэ-хамнас хайдах барарын бэрэбиэркэлээтэ. Өрөспүүбүлүкэ салайааччыта Строительнай уулуссаҕа сырытта.

Хаартыскаҕа Андрей Сорокин түһэриитэ, СИА

«Норд Инжиниринг» хампаанньа тутар эбийиэгэр дьиэ атаҕа түһэриллибит, о.д.а. үлэ салҕанар.

«Манна 16 киһи, 2 тиэхиньикэ үлэлиир. Дьиэ көҥдөйө түмүктэнэн эрэр. Бастакы дьиэ 15 % бэлэм. Бүгүн иккис дьиэ тутуутун саҕалыырга туруннубут. Дьиэлэр 2024 сылга ахсынньыга үлэҕэ киллэриллиэхтээхтэр«, — диэн этэр «Норд Инжиниринг» ХЭУо дириэктэрэ Андрей Титов.

Хаартыскаҕа Андрей Сорокин түһэриитэ, СИА

Үлэни-хамнаһы сиһилии билсэн баран Айсен Николаев: «Тымныы,  үлэлииргэ кэмэ кылгаһа, логистика уустуга тутуу бары түһүмэхтэригэр уустуктары көрүһүннэрэр. Ол гынан баран, итилэр болдьоммут кэмҥэ уонна үлэ хаачыстыбатыгар сабыдыаллыа суохтаахтар» , — диир Айсен Николаев.

Хаартыскаҕа Андрей Сорокин түһэриитэ, СИА

Орто Халыма куоратын баһылыга Николай Чукров бу олохтоохторго бастакы таас дьиэлэр буолалларын бэлиэтиир.

«Манна элбэх кыбартыыралаах тулаайах оҕолор дьиэлэрэ эрэ таас. Оттон 2025 сылга диэри аҕыс дьиэ тутуллан үлэҕэ киириэ. Түөрт дьиэ кэлэр сылтан тутуллубутунан барыа«, — диир Николай Чукров.

Хаартыскаҕа Андрей Сорокин түһэриитэ, СИА

Орто Халыма оройуонугар 2017 с. тохсунньу 1 күнүнээҕи туругунан, 31 элбэх кыбартыыралаах дьиэ (уопсай иэнэ 15,8 тыһ. кв м) хаарбах туруктааҕынан билиниллибит. Билиҥҥи туругунан оройуоҥҥа 200 киһи 4,5 тыһ. кв. м иэннээх хаарбах туруктаах дьиэлэртэн көһөрүллүбүт.

Санатар буоллахха, бүгүҥҥү иһитиннэриинэн 2022 уонна 2023 сыллар түһүмэхтэринэн, Саха сирин 9 арктическай оройуонун сиригэр-уотугар 15 элбэх кыбартыыралаах (301 кыбартыыра) дьиэ тутуллар. Уопсай иэнэ 14, 4 тыһ.с. кв. м тэҥ. Маны сэргэ, 2023-2024 сыллар түһүмэхтэригэр 11 арктическай оройуон сиригэр-уотугар уопсайа 21, 7 тыһ. кв. м. иэннээх 26 дьиэни (493 кыбартыыра) тутуу былааннанар. Ол иһигэр, Абыйга 1 элбэх кыбартыыралаах дьиэ (13 кыбартыыра), Анаабырга — 2 (56 кыбартыыра), Аллайыахаҕа — 3 (39), Үөһээ Халымаҕа — 1 (90), Дьааҥыга — 1 (50), Эдьигээҥҥэ — 1 (40), Өлөөҥҥө — 9 (95), Аллараа Халымаҕа — 1 (18), Муомаҕа — 1 (8), Эбээн Бытантайга — 2 (24), Орто Халымаҕа — 4 (60 кыбартыыра).

Сиһилии https://www.sakha.gov.ru/news/front/view/id/3367923 көрүөххэ сөп.

СӨ Ил Дарханын уонна Бырабыыталыстыбатын пресс-сулууспата

Recent Posts

  • Сонуннар
  • Уопсастыба

Тускул: «Тохсунньуга бары кистэлэҥ күүһү туһаныы туһунан саныахтаахтар…»

Сыл саамай хараҥа, тымныы бастакы ыйын туһунан Тускул үгэс быһыытынан билгэлээтэ. - 2026 сыл -…

4 минуты ago
  • Сонуннар
  • Уопсастыба

Арыгы иһэн баран, уруулга олорон, массыынатын былдьатта

Мэҥэ Хаҥалас улууһугар биир киһи хаһыс да төгүлүн арыгы иһэн баран, массыынаны ыытан, сууттанна.  …

34 минуты ago
  • Маны аах
  • Сонуннар
  • Сүбэһит

Саҥа дьылга тугу бэлэхтээбэт эбиттэрий?

Саҥа дьыл буолара үс эрэ күн хаалла. Эрдэттэн хааччымматах дьон билигин тугу бэлэхтиибит диэн толкуйга…

1 час ago
  • Сонуннар
  • Уопсастыба

Бэрдьигэстээххэ — «Бастыҥнар түһүлгэлэрэ»

Бу күннэргэ Мэхээлэ Дьөгүөрэп аатынан сылын ахсын ыытыллар Бэрдьигэстээх нэһилиэгин баһылыгын сылы түмүктүүр "Бастыҥнар түһүлгэлэрэ"…

2 часа ago
  • Интэриэһинэй
  • Сонуннар

Саха сиригэр оҥоһуллубут «Чолбон» аппараат космоска таҕыста

Ахсынньы 28 күнүгэр «Восточнай» космодромтан «Союз-2.1б» аракыата Саха сирин  бастакы «Чолбон» кыра космическай аппарааты орбитаҕа таһаарда. Бу Саха сирэ…

2 часа ago
  • Сонуннар
  • Сүбэһит
  • Уопсастыба

Фейерверк ытарга бу быраабыланы тутус

Биир даҕаны Саҥа дьыл салюта суох буолбат. Сорохтор түүн 12 ч. көрсөн баран оҕолуун-уруулуун тутуспутунан…

2 часа ago