Орто үөрэҕи бүтэрбит 4000 кэриҥэ бүтэрээччи үлэҕэ киирбит

Быйыл Саха сиринээҕи орто үөрэх кэнниттэн  3955 киһи үлэҕэ киирбит, ити бүтэрээччи уопсай ахсааныттан 53,33% буолар. Былырыын 51,84%, иллэрээ сыл эмиэ итиччэ, 2022 сыллаахха 49,5% үлэ булбуттар.

Быйыл Дьокуускайдааҕы бырамыысыланнай тиэхиньикуму 341 киһи бүтэрбититтэн 314, Дьокуускайдааҕы мэдиссиинэ кэллиэһин 1237 бүтэрбититтэн 1181, Дьокуускайдааҕы педагогическай кэллиэһи 181 киһи бүтэрбититтэн 165, Намнааҕы педагогическай кэллиэһи 146 киһи бүтэрбититтэн 132-тэ үлэнэн хааччыллыбыт.

Дойду бэрэсидьиэнэ Владимир Путин көҕүлээбит “Кадры” национальнай бырайыак иитинэн, 2030 сылга өрөспүүбүлүкэҕэ үөрэҕи бүтэрээччи идэтинэн үлэҕэ киирэр ахсаанын 75 бырыһыаҥҥа тиэрдэр былааннаахтар. Бу туһунан Үөрэх уонна билим министиэристибэтин телеграм-ханаалыгар суруйаллар.