СӨ Борокуратууратын пресс-сулууспата
Дьокуускай куорат борокуратуурата сокуоннай сааһын ситэ илик оҕо ийэтин үҥсүүтүнэн бэрэбиэркэни ыытта.
Бэрэбиэркэ түмүгүнэн, бу сыл ыам ыйыгар «7 №-дээх орто оскуола» үөрэх тэрилтэтин дьиэтигэр икки үөрэнээччи икки ардыгар тахсыбыт айдаан охсуһууга кубулуйбутун түмүгэр, сокуоннай сааһын ситэ илик кыыс оҕо доруобуйатыгар чэпчэки уонна орто ыарахан буолар эчэйиилэри ылбыта быһаарылынна. Оҕоҕо бастакы мэдиссиинэ көмөтө оҥоһуллубатах. Бэрэбиэркэ түмүгүнэн, борокуратуура хас да дьаһалы ылла. Үөрэх тэрилтэтигэр этии киллэрилиннэ, ону таһынан, моральнай хоромньуну толуйтарар туһунан ирдэбил суут көрүүтүгэр ыытылынна. Кыыс оҕо эчэйиини ылыыта оскуолаҕа үөрэнээччилэри кытта сэрэтэр-профилактическай үлэ ыытыллыбатаҕыттан, үөрэнээччилэргэ куттала суох усулуобуйа хааччыллыбатаҕыттан тахсыбыт.
Суут быһаарыытынан борокуруор ирдэбилэ толору билинилиннэ — оскуолаттан сокуоннай сааһын ситэ илик оҕо туһатыгар 500 000 солк. кээмэйдээх моральнай хоромньу толуйтарылынна. Борокуруор көҕүлээһининэн, суут оскуола дириэктэрин аатыгар сокуон кэһиилэрин туоратар туһунан туспа быһаарыы таһаарда. Суут быһаарыыта сокуоннай күүһүгэр киирэ или. Суут быһаарыытын олоххо киллэрии борокуратуура хонтуруолугар турар, диэн СӨ Борокуратууратын пресс-сулууспата суруйар.
Бүгүн, ахсынньы 5 күнүгэр, Дьокуускайдааҕы А.Е. Кулаковскай аатынан норуоттар доҕордоһууларын дьиэтигэр өрөспүүбүлүкэ норуоттарын национальнай култуураларын…
СӨ Ил Дархана Айсен Николаев сэтинньи ый түмүгүнэн Уһук Илин губернатордарын медиа-рейтинин инники күөнүгэр таҕыста.…
Арассыыйа Наукаларын Академиятын Палеонтология институтун чинчийээччилэрэ Алексей Лопатин салайааччылаах, 35 тыһыынча сыл анараа өттүгэр Саха…
Дьокуускайга сыл аайы ыытыллар «Профориентация» быыстапка-дьаарбаҥка бэлэмнэнэр түһүмэҕэ буолуоҕа. Манна дойду бастыҥ үнүбэрситиэттэрин уонна орто…
Саҥа буспут кофе минньигэс амтана, корица сымнаҕас сыта... Тымныы күннэргэ букатын туох тэҥнэһиэй? Сорохтор итэҕэйэллэринэн,…
Ахсынньы 7 күнүгэр киин куоракка байыаннай дьайыы кыттыылаахтарыгар уонна бойобуой дьайыылар бэтэрээннэригэр аналлаах III физкултуурунай-спортивнай…