Оскуолаҕа үөрэх кэмигэр сиэп төлөпүөнүн туһаныы бобуллуутугар борокуратуура быһаарыы биэрдэ
![](https://sakha-sire.ru/wp-content/uploads/2023/12/siep-telepyene-900x596.jpg)
“РФ үөрэҕин туһунан” сокуонун 43-с ыстатыйатыгар 2023 сыл ахсынньы 19 күнүгэр уларытыылары киллэрбиттэрэ. Ыстатыйаҕа: “Үөрэҕи ыытар тэрилтэ үөрэнээччилэрин, үлэһиттэрин олоҕор эбэтэр доруобуйатыгар, атын ыксал суоһуур түгэннэриттэн ураты, илдьэ сылдьыллар араадьыйа-төлөпүөн сириэстибэтин оскуолаҕа үөрэх кэмигэр туһаныллыбат” диэн 4.1 пуун эбиллэн биэрбит. Бу туһунан СӨ Борокуратууратын пресс-сулууспата иһитиннэрэр.
Онон оскуолаҕа төлөпүөнү үөрэх кэмигэр ыксаллаах түгэҥҥэ эрэ туһаныахха сөбө сокуон ирдэбилигэр олоҕурар.
Куорат уонна улуус борокуруордара үөрэнээччи бэрээдэгэр сыһыаннаах ирдэбиллэр үөрэх тэрилтэлэригэр киириилэригэр локтальнай аакталары бэрэбиэркэлээбиттэр. Ол түмүгэр 300 кэһиини булан, сурук түһэрэн, локальнай аакталары Федеральнай сокуоҥҥа сөп түбэһиннэрбиттэр.
Сообщить об опечатке
Текст, который будет отправлен нашим редакторам: