«Острог» тоҕо көлүөнэлэри түмэр таҥаһы айарга бастыҥ буолла?

«Острог» бренд уопсастыбаҕа хаачыстыбалаах, толкуйдаах, уонна, саамай сүрүнэ, бэйэ оҥорон таһаарыы таҥаһыгар наадыйыыга саҥа тыын быһыытынан үөскээбитэ. Уон сыл иһигэр кыра сыахтан индустрия лидерыгар диэри сайдыы суолун ааста.

Бастыҥ буолуу уонна күүс философията

«Острог» кэлэктиибэ — эдэр, айымньылаах, дьоҕурдаах уонна сатабыллаах дьон. Бренд кэм тыынын билэригэр, онуоха бэйэтин төрүт үгэстэригэр бэриниилээх хааларыгар кыах биэрэр. Кинилэр  Ийэ дойдуга таптал, билигин айар-тутар, бэйэ өрөспүүбүлүкэтин экэниэмикэтин сайыннарар кыах холобура.

Түмсүүнү тэрийии

Ааспыт сыл хампаанньаҕа бэлиэ сылынан буолла. «Острог» табаарын линейкатын кэҥэппитэ уонна хаачыстыба хонтуруолун күүһүрдүбүтэ эрэ буолбатах — кини тула тугу кэтэллэрэ уонна ол кэннигэр туох суолта сытара улахан оруоллаах дьиҥнээх дьон түмсүүтүн хомуйда. Хампаанньа инновациялары көхтөөхтүк киллэрэр. Килийиэннэр  хаартыскаларын уус-ураннык тупсаран оҥорууга Оҥоһуу өйү (ИИ) туһаналлар — кэскилгэ хардыы, оттон оҕолорго анаан интерактивнай бырайыактары саҕалааһын — экологияҕа кылаат. Бырайыак идиэйэтэ судургу уонна дириҥ — эргэ таҥаска иккис тыыны биэрэн, үүнэр көлүөнэҕэ айылҕаҕа уонна баайга-дуолга эппиэтинэстээх сыһыаны иҥэрэр.

Саха сирин бэлиэлэрэ хас биирдии сапка

«Острог» өрөспүүбүлүкэ бөдөҥ тэрээһиннэрин, сүүрүүттэн саҕалаан бэстибээллэргэ диэри, үбүнэн-харчынан өйүүр. Ол эрээри, кинилэр ураты киэн туттуулара — талааннаах худуоһунньуктары уонна дизайнердары кытта бииргэ үлэлээһин. Бренд худиларыгар уонна футболкаларыгар Саха сирин үгэс буолбут ойуулара уонна бэлиэлэрэ култуурунай нэһилиэстибэни саҥалыы ылыныыны көрдөрөр. «Манчаары оонньуулара» XII Спартакиада кыттыылаахтарыгар анаммыт лимитированнай кэллиэксийэ чаҕылхай холобурунан буолла. «Острог» таҥаһа Ыһыах бырааһынньыгын уонна үгүс спортивнай күрэхтэһиилэр быстыспат атрибуттарынан биллэр. Бренд улуустар сүүмэрдэммит хамаандаларыгар таҥас тигэр, кинилэргэ хас биирдии сир уратытын кэпсиир ураты форманы айар.

Мерч нөҥүө хамаанданы түмүү

Бүгүн «Острог» — корпоративнай уонна дьиэ кэргэн истиилин оҥорууга эспиэр.

• Биисинэскэ: форманы оҥорон таһаарыы, логотибы түһэрии уонна мерч оҥоруу. Үлэһиттэр иллэҥ кэмнэригэр кэтэр таҥастара буолар.
• Уопсастыбаҕа: ханнык баҕарар үөрүүлээх тэрээһиҥҥэ анаан кэлэктиибинэн уонна дьиэ кэргэнинэн сакаастар. «Острог» худита уонна футболката доҕоттору, дьиэ кэргэннэри уонна хамаандалары түмэн, биир кэлим  оҥорор.

Аһаҕас буолуу уонна итэҕэл

«Острог» хампаанньа бэйэтин килийиэнигэр аһаҕас. Кинилэр социальнай ситимнэргэ үлэ бүтүн бырасыаһын көрдөрөллөр: эскиистэн саҕалаан, таҥаһы талыыттан, бүтэһик принт эбэтэр ойуу түһүөр диэри. Бу курдук чиэһинэй сыһыан киһи итэҕэлин ылар уонна атыылаһааччыны көннөрү туттааччы эрэ буолбакка, «Острог» улахан дьиэ кэргэнин  сибээһин үөскэтэр. Уон сылга чугаһыыр устуоруйа, Дьокуускайга баар бэйэ оҥорон таһаарыыта, эдэр кэлэктиип уонна үгэстэргэ муҥура суох убаастабыл — бу барыта «Острог» хампаанньаны аныгы саха индустриятын дьиҥнээх күүс киининэн оҥорор. Бэйэтин сиригэр-уотугар бигэтик турар уонна өрөспүүбүлүкэтин аатын киэн туттан илдьэ сылдьар дьоҥҥо аналлаах таҥас.

Бэлэмнээтэ Диана Сивцева