«ОТОН.фест» бэстибээл иитинэн «Мин Сахам сирэ» билиини-көрүүнү тургутар оонньуу ыытыллыа

Атырдьах ыйын 16 күнүгэр күнүс 15:00 ч. Ем.Ярославскай аатынан түмэл билиини-көрүүнүтургутар «Мин Сахам сирэ» дьиэ кэргэҥҥэ анаммыт оонньууга кыттарга ыҥырар.

Бу «ОТОН.фест» диэн өрөспүүбүлүкэтээҕи дьиэ кэргэн патриотическай бэстибээлин иитинэн ыытыллар. Билиини-көрүүнү тургутар оонньууга төрөөбүт дойдуларын историятыгар, култууратыгар сыһыаннаах ыйытыылар баар буолуохтара.

Ирдэнэр усулуобуйа:

— дьиэ кэргэн хамаандата, 3-5 киһи кыттар;
— квиз сааһыттан, интэриэһиттэн тутулуга суох барыларын сэргэхситиэ;
— эрдэттэн регистрацияланаллар.

Сэргээбиттэр, сэҥээрбиттэр: 42-51-74 төлөпүөҥҥэ эрийэн чопчулаһыаххытын сөп.

Ыытыллар сирэ: Ленин пр. 5/2, сүрүн куорпуска.

Санатан эттэххэ, «ОТОН.фест» дьиэ кэргэн патриотическай бэстибээлэ Саха сиригэр Оҕо саас, Арассыыйаҕа Дьиэ кэргэн сылларынан өрөспүүбүлүкэ бары улуустарыгар атырдьах ыйын 22 — балаҕан ыйын 27 күннэригэр буолар. Бу өрөспүүбүлүкэ дьиэ кэргэттэрин култуурунай сынньалаҥынан түмэр, саҥа үөрэх дьылын көрсө күүһү-уоҕу биэрэр сыаллаах-соруктаах ыытыллар.

Бэстибээл тэрээһиннэрэ национальнай бибилэтиэкэ, оҕо бибилэтиэкэтэ — «ДТК — ааҕар киин», өрөспүүбүлүкэ бары түмэллэригэр уонна бибилэтиэкэлэригэр, Ем.Ярославскай аатынан түмэл, Национальнай художественнай түмэл, киинэ тыйаатырдарын, тыйаатырдар былаһааккаларыгар ыытыллар.

СӨ Ил Дарханын уонна Бырабыыталыстыбатын пресс-сулууспата