Чыамыйыкылар оттообут отторун тута таһан иһэллэр
Саха сиригэр 247 тыһыынча туоннаттан тахса от бэлэмнэннэ (ол иһигэр 6 тыһ. тахса туонна от мобильнай биригээдэлэринэн), эбэтэр былаан 57% туолла. Бу туһунан Тыа хаһаайыстыбатын уонна ас-үөл бэлиитикэтин миниистирин солбуйааччы Сахая Павлова иһитиннэрдэ.
243 тыһыынчаттан тахса га ходуһа охсулунна. 2230 туонна сиилэс уурулунна, 282 туонна сенаж бэлэмнэннэ. Бастакы миэстэҕэ былааны толоруунан — Нам улууһа (76%), иккискэ — Ньурба (71%), үһүскэ — Ленскэй оройуона (70%) таҕыстылар.
От хампаанньатыгар Саха сирин үрдүнэн 10743 тыраахтар үлэҕэ киирдэ, 3009 механизированнай, 3678 полумеханизированнай, 88 сылгы-илии уонна 2002 илии звенолара үлэлииллэр. От үлэтигэр барыта 25879 киһи кыттар. Ону тэҥэ Саха сиригэр ыраах учаастактарынан 120 мобильнай биригээдэ тэриллэн үлэлиир, ол иһигэр Аммаҕа – 35, Горнайга – 25, Мэҥэ Хаҥаласка — 18, Чурапчыга – 15, Орто Халымаҕа – биэс, Томпоҕо – аҕыс, Тааттаҕа уонна Хаҥаласка — алталыы, Дьокуускайга уонна Хаҥаласка — түөртүү мобильнай биригээдэлэр тэриллибиттэр.
Соторутааҕыта Мэҥэ Хаҥалас улууһугар Төҥүлү нэһилиэгэр “Нөмүгү“ сайылыгар уонтан тахса сыл олохсуйан олорор Николай Баишев-Бойцов…
Быйыл Ньурбатааҕы судаарыстыбаннай көһө сылдьар драматическай тыйаатыр бастакы дириэктэрэ, Саха АССР үтүөлээх артыыһа Александр Алексеевич…
Өймөкөөн улууһугар уһун кэмнээх ардахтартан сорох нэһилиэнньэлээх пууннар ууга барбыттарынан сибээстээн, балаҕан ыйын саҥатыгар Өймөкөөн,…
Бүгүн, балаҕан ыйын 19 күнүгэр, Ил Дархан Айсен Николаев Орто Халыма куоратыгар үлэлээтэ. “Орто Халыма…
Синоптиктар бэлиэтииллэринэн, балаҕан ыйын 20 күнүгэр киин улуустарга -3...-8 кыраадыска диэри тымныйыан сөп. Дьокуускайга түүн …
Дьокуускай куоракка уулуссалар ааттарын, дьиэлэр нүөмэрдэрин бэрэдээктээһин ыытыллар буолбута көстөр. Ол курдук, соторутааҕыта Ленин проспегар…