Паром сырыытын өссө уһаттылар

Алтынньы ый бүтүүтэ күн-дьыл туруга сылаас буолан, Дьокуускай — Аллараа Бэстээх хайысхатынан паром сырыыта өссө уһаан биэрдэ. «Саха сирин паромнара» тэрилтэ  салайааччыта Николай Ефимов иһитиннэрбитинэн, паромнар сэтинньи саҥатыгар  сылдьыахтара.

Бүгүҥҥү күҥҥэ 10 паром үлэлиир. Биир паром «кыһыҥҥы сынньалаҥар» барбыт диэн СИА суруйар.

— Алтынньы 30 күнүгэр паромнар урукку эрэсииминэн үлэлииллэр. Күн-дьыл туруга сылаас, өрүс бакаа тоҥо илик буолан, паромнар сылдьаллар, ол эрээри, хас саҥа күн уларытыыны киллэриэн сөп. Билиҥҥитэ барыта  этэҥҥэ. Сэтинньи саҥатыгар үлэлиэхпитин баҕарабыт. Былырыын сэтинньи 3 күнүгэр диэри үлэлээбиппит, сарсыҥҥы күнүгэр паромнар бары кыһыҥҥы турар сирдэригэр турбуттара, — диэн Николай Ефимов кэпсээтэ.