Хаартыска: sakhagov.ru
Дьокуускайга «Патриот» элбэх өҥөнү оҥорор ыччат киинэ аһыллыаҕа. Ыччат сайдыытыгар, бэйэтин суолун буларыгар улахан суолталаах эбийиэк ахсынньыга аһыллыахтаах.
Бырайыак Арассыыйа бэрэсидьиэнэ Владимир Путин уонна Ыччат дьыалаларыгар федеральнай ааҕыныстыба өйөбүллэринэн, «Ыччат уонна оҕолор» национальнай бырайыакка киирэр «Россия – земля возможностей» бырайыак чэрчитинэн олоххо киирэн эрэр.
Киин Айсен Николаев сорудаҕынан патриотическай иитии бары көрүҥнэрин ситимниир, волонтерствоны сайыннарар, ыччат көҕүлээһинин өйүүр сыалтан тэрилиннэ.
Эбийиэк уопсай иэнэ 3000 кв. миэтэрэттэн тахса буолуоҕа. Манна эдэр ыччакка анаан баар буолуоҕа: бииргэ үлэлиир уонна санаа үллэстэр коворкинг хостор, видеолары уонна подкастары уһуллар устуудьуйалар, йога уонна үҥкүү уруоктара, успуорт саалата, айар устуудьуйалар, о.д.а.
Патриотическай иитиини СӨ ыччат дьыалаларыгар, социальнай коммуникацияларга министиэристибэтэ сүрүннүүр.
«Миэхэ, байыаннай дьайыыга уопуттаах киһи быһыытынан, бу хайысханы салайар туспа чиэс уонна улахан эппиэтинэс. Мин тус бэйэм уопуппунан үрдүк хаачыстыбалаах бэлэмнэнии, тулуурдаах буолуу, Ийэ дойдуга ис сүрэхтэн таптал суолтатын билэбин», — диэн миниистир Петр Шамаев бэлиэтээтэ.
Патриотическай иитии эйгэтигэр биир сүрүн операторынан ыччаты байыаннай-спортивнай бэлэмнэниини сайыннарар «ВОИН» киин буолар. «СУЛУС» ытарга үөрэтэр кииҥҥэ 3,5 км диэри ыраахха ытар ох саанан дьарыктаныыны уонна снайпердары бэлэмнээһиҥҥэ ураты болҕомто ууруллар, онно уруоктары уопуттаах инструктордар уонна методистар ыыталлар.
Саха сиргэр барыта 2650 кэммиэрчэскэйэ суох тэрилтэ баарыттан, 55-һэ патриотическай иитиигэ үлэлииллэр. Итиэннэ 29 улууска уонна икки куорат уокуругар үөрэх кыһаларыгар 375 оҕо байыаннай-патриотическай кулууптара үлэлииллэр. Бу кулууптар эдэр көлүөнэҕэ байыаннай-спортивнай дьоҕуру сайыннарар, патриотическай сыаннастары иҥэрэр, араас тэрээһиннэргэ кыттар кыахтары биэрэллэр.
Сиһилии: https://www.sakha.gov.ru/news/13231
Саҥа дьиэни тутталларыгар элбэх сиэри-туому тутуһаллара. Улахан суол аартыктарыгар, суол тоҕойдоругар, тумуһах, тумул сирдэргэ дьиэни…
Биэнсийэ пуондатын аатыттан түөкүттэр 2016-2018 сыллардааҕы биэнсийэҕитин хаттаан аахпыттар диэн үһүйээни толкуйдаан, биэнсийэлээх дьоҥҥо эрийтэлээн…
Нерюнгри оройуонугар байыаннай дьайыы кыттыылаахтарын уонна кинилэр дьиэ кэргэттэрин өйүүр доброволецтар "Бары бииргэ Кыайыыга!" өрөспүүбүлүкэтээҕи…
Бу күннэргэ СӨ экологияҕа, айылҕаны туһаныыга уонна ойуур хаһаайыстыбатыгар министиэристибэтин чат-ботугар Дьокуускай куорат Таалай күөлүгэр…
Саха сиригэр кэнники биэс сылга регистрацияламмыт бэйэлэрэ дьарыктаах дьон ахсаана 25 төгүл элбээбит, 69,4 тыһ.…
Биэстээх уонна уоннаах тимир харчылар оҕочоон куолайыгар туран хаалбыттар. Национальнай мэдиссиинэ киинигэр тимир харчылары ыйыстыбыт…