Павел Безручко: «Биһиги саамай бастыҥ, бэрэбиэркэлэммит сыаналааһын ньыматын туһанабыт»

Анал байыаннай дьайыы кыттыылаахтарыгар уонна бэтэрээннэригэр аналлаах «Дьоруойдар кэмнэрэ» үөрэх бырагырааматынан сүүмэрдээһин тургутуута түмүктэннэ. Тургутуу түмүгүнэн бу бырагыраама сыаналыыр тэрээһинин блогун салайааччыта Павел Безручко интервью биэрдэ.

– Павел Сергеевич, «Дьоруойдар кэмнэрэ» үөрэх бырагырааматынан сүүмэрдээһин тургутуга хайдах ааста?

– Тургутуу тэрээһинэ ситиһиилээхтик түмүктэннэ. Кыттааччылар 80-ча %-нын тургутугу аастылар. Бу үчүгэй көрдөрүү, кыттааччылар улахан интэриэстээхтэрин уонна бэлэмнээхтэрин туоһулуур.

Интэриэһинэйэ диэн, тэрээһиҥҥэ кыттыы үгэнигэр, тургутугу тэҥинэн 2 900 киһи ааспыта, оттон бастакы сууккаҕа бу түһүмэххэ кыттааччы 48% түмүктээбитэ.
«Дьоруойдар кэмнэрэ» үөрэх бырагырааматынан сүүмэрдээһин тургутуутун ааспыттар ахсааннарыгар инники күөҥҥэ сылдьааччылар көһүтүллүбүтүн курдук, олус элбэхтэр. Биһиги бастааҥыттан инники кирбиигэ сылдьар байыаннай сулууспалаахтарбыт сибээс мөлтөҕүттэн, араас тэхэньиичэскэй усулуобуйанан, сорохтор атын биричиинэнэн ыарахаттары көрсүөхтэрэ диэн өйдүүрбүт. Ол эрээри инники кирбиигэ сылдьан кыттыбыт дьоммут көһүтүллүбүт сыыппараттан элбэх буолан биэрдилэр. Маннык уустук кэмҥэ да сырытталлар, байыастар онлайн-тургутууну ааһарга кыһалыннылар.

– Билигин тургутуу түмүгүн туһунан тугу эмэ этиэххэ сөп дуо?

– Кыттааччыларга бука барыларыгар ыам ыйын 20 күнүгэр бырагыраама платформатыгар тус кэбиниэттэригэр түмүктэрин туһунан иһитиннэрии тиийиэхтээх. Ол эрээри, мин бэйэм санаабын үллэстиэхпин сөп. «Дьоруойдар кэмнэрэ» бырагыраама үгэс буолбут каадыр куонкурустарыттан уонна үөрэх бырагыраамаларыттан ураты бырайыак. Бастатан туран, бу Бэрэсидьиэн бырагыраамата. Арассыыйа Бэрэсидьиэнэ Владимир Владимирович Путин тус көҕүлээһининэн оҥоһуллубут бырагыраама, онон тэрийээччилэргэ эбии эппиэтинэһи сүктэрэр.

Иккиһинэн, кыттааччыларын сүрүн састааба уруккулартан атыттар. Билиҥҥи бырагыраамаҕа анал байыаннай дьайыы зонатыгар кырыктаах кыргыһыыга кытта сылдьааччылар уонна бэтэрээннэр, дьиҥнээх дьоруойдар кытталлар. Онон мин уонна бииргэ үлэлиир дьонум тургутуу түмүгүн күүтэбит. Кыттааччылар орто бааллара балачча үрдүк диэн этиэххэ сөп. Ол кыттааччылар салайар үлэҕэ үлэлиир кыахтаахтарын уонна дьиссипилиинэлээхтэрин көрдөрөр, кинилэр төһө да уустук усулуобуйаҕа сырытталлар, бу түһүмэҕи туораатылар.

– «Арассыыйа лиидэрдэрэ» куонкурустан туох уратылааҕый?

– «Россия – страна возможностей» тэрилтэ ыытар каадыр куонкуруһугар сыаналааһын ньымата өр сыл туһанылынна уонна көдьүүстээҕин көрдөрдө. Ол иһин «Дьоруойдар кэмнэрэ» үөрэх бырагырааматынан сүүмэрдээһин тургутуутун сыаналааһыҥҥа эмиэ туһанылынна. Биһиги тургутуктарбыт билиҥҥи кэмҥэ бастыҥнар уонна саамай көдьүүстээхтэр. Эспэрдэр бары сыанабыл уонна сүүмэрдээһин сөптөөхтүк уонна дьэҥкэтик ыытыллар диэн сыаналыыллар.

– Тургутук буола турар кэмигэр тиэхиньиичэскэй кыһалҕалар тахсыбыттарын туһунан үҥсүү баар дуо?

– Маныаха майгынныыр бырайыактарга барыларыгар тиэхиньиичэскэй кыһалҕалар үөскүүллэр. Инники кирбиигэ кыргыһыыга сылдьар дьон сороҕо эбии уустуктары көрсүөн сөп диэн өйдүүрбүт. Биһиги өрүү оннук дьоҥҥо утары барабыт.

Ол эрээри, салайар кыахтаах дьон, ханнык да быһыыга-майгыга быыс-хайаҕас булан, кыра тэхэньиичэскэй кыһалҕалары быһаараллар, онон кинилэр салайар үлэни кыайа-хото тутар кыахтаахтарын көрдөрөллөр.