Икки күн устата барбыт “Педагог-бибилэтиэкэр-2022” идэ маастарыстыбатын өрөспүүбүлүкэтээҕи куонкуруһа түмүктэннэ. Өрөспүүбүлүкэ араас муннугуттан барыта 11 бибилэтиэкэр кытынна. Муҥутуур кыайыылааҕынан С.К.Макаров аатынан Чурапчы улууһун гимназиятын бибилэтиэкэрэ Туйаара Харлампьева таҕыста.
— Туйаара Николаевна, бэйэҥ туох идэлээххин? Бибилэтиэкэрдээбитиҥ хас сыл буолла?
— Уопсай ыстааһым отуттан тахса сыл. Чурапчы гимназиятыгар 23-с сылбын үлэлиибин. Улан Удэтааҕы (Бурятия) култуура институтугар оҕо бибилэтиэкэтин библиограф-бибилэтиэкэрэ идэтин баһылаабытым. Үөрэхпин бүтэриэхпиттэн харыс да халбарыйбакка Чурапчым улууһугар үлэлии сылдьабын.
— Куонкуруска кыттарга ким этии киллэрбитэй?
— 2019 сыллаахха улууспутугар педагог-бибилэтиэкэр куонкуруһа ыытыллыбыта, онно бастаабытым. Улуустааҕы үөрэх управлениета өрөспүүбүлүкэтээҕи куонкуруска кытын диэн сүбэлээбитэ.
— Куонкурус хайдах ааста?
— Олус үчүгэйдик ааста. Биир идэлээхтэрим бырайыактан саҕалаан, бибилэтиэкэ уруогар, дьиэ кэргэни кытта үлэни тэрийиигэ, оҕо бырайыагын көмүскээһиҥҥэ тиийэ олус үчүгэйдик көрдөрдүлэр. Ону таһынан үлэбитин быыстапканан эмиэ көмүскээтибит. Элбэҕи биллим-көрдүм, үлэбит уопутун үллэһиннибит, саҥа бырайыактары, бибилэтиэкэ-уруоктары көрдүм. Бибилэтиэкэрдэр оҕону билиигэ, кинигэ киэҥ эйгэтигэр сирдиир соруктарын тута сылдьаллар, олоххо киллэрэллэр диэн өссө биирдэ итэҕэйдим, үрдүктүк сыаналаатым.
— Бүтүн өрөспүүбүлүкэҕэ муҥутуур кыайыылааҕынан таҕыстыҥ. Кистэлэҥэ тугуй?
— Биһиги гимназиябыт оҕону иитиигэ олус улахан үлэни ыытар. Ол курдук мин саха-англия хаапыдыратыгар баарбын. Хаапыдырам учууталларын кытта араас бырайыактары толкуйдуубут, оҥоробут, оҕолору ааҕыыга уһуйабыт. Уонна бибилэтиэкэ-уруокка улууспутугар эрдэ куонкурус ыытыллыбыта. Онно кыттыбыт буолан бэлэмнээх кэлэн, уруокпун чиҥэтэн көрдөрдүм.
Куонкурус туһунан суруйууну, видеоны, хаартыскалары сиһилии Саха сирэ.ру саайтка ааҕаарыҥ, көрөөрүҥ.
Уһук хотугу эргимтэҕэ сытар Өлөөн оройуонугар "Кэнчээри" оҕо сайдар киинин иһинэн өрөспүүбүлүкэтээҕи "Эркээйи эргиирэ" пилотнай…
Лиирик-бэйиэт Гавриил Григорьевич Вешников-Баал Хабырыыс хоһооннорунан ырыанньык бэчээттэнэн таҕыста. Саҥа кинигэни бэйиэт төрөөбүт-үөскээбит Курбуһаҕын бибилэтиэкэтэ…
Үс оскуоланы тутуохтара. Бу үөрүүлээх түгэни Өрөспүүбүлүкэ күнүгэр сөп түбэһиннэрэн ыыттылар. Муусука үрдүкү оскуолатын кампуһун…
Аммалар Өрөспүүбүлүкэ күнүгэр анаан субуотунньук тэрийбиттэр. Уһун күөл тулатын ыраастаабыттар. Субуотунньукка сүүсчэкэ үөрэнээччи кыттыыны ылбыт. Бүтүн…
Суоттуга сэргэх тэрээһин буолла. Өрөгөй ырыатын биһирэмигэр нэһилиэк олохтоохторо муһуннулар. Бу күн «Мичээр» сынньалаҥ киинигэр…
Дьокуускайга уһуйаан үлэһиттэригэр аналлаах "Моделирование образовательного процесса по патриотическому воспитанию в ДОО" диэн куурус ыытылынна.…