Хаартыска: minobrnauki.sakha.gov.ru
Кэлэр үөрэх дьылыгар бэлэмнэнии иитинэн СӨ үөрэҕин уонна билимин миниистирэ Ирина Любимова өрөспүүбүлүкэ үөрэҕин тэрилтэлэрин педагогическай каадырынан хааччыйыы боппуруоһунан улуус баһылыктарын кытта мунньах оҥордо. Мунньахха барыта 34 баһылык, баһылыгы солбуйааччы кытынна. Ол туһунан СӨ Үөрэҕин уонна билимин министиэристибэтэ суруйар.
Ирина Любимова тыл этэригэр кэлиҥҥи сылларга педагогическай идэлэргэ вакансия ахсаана эбиллэн иһэрин бэлиэтээтэ, 2023 сылга “Үөрэх” салаатыгар үрдүк үөрэҕи уонна педагогическай кэллиэстэри бүтэрээччилэри барыллаан үллэрии сыыппараларын билиһиннэрдэ.
Улуустар баһылыктара, солбуйааччылара педагогическай үлэһиттэри өйүүр миэрэлэр туһунан кэпсээтилэр. Ол курдук, Ленскэй улууһугар педагогтары көҕүлүүр төлөбүр араас көрүҥэ баар: муниципальнай бүддьүөттэн учууталларга 1 мөл. солк. кээмэйдээх төлөбүр, идэҕэ маастарыстыбаны көрдөрөр куонкурус кыайыылаахтарыгар уонна призердарыгар, биир кэлим эксээмэҥҥэ 100 бааллаах оҕону бэлэмнээбит учууталларга төлөбүрдэр, эдэр исписэлиистэргэ 150 тыһ. солк. суумалаах көмө харчы көрүллэр эбит.
Ньурба улууһугар 2020 сылтан “Тыа сирин учуутала” педагогическай хамаандалар улуустааҕы бырайыак үлэлиир, Чурапчы улууһугар педагогическай үлэһиттэргэ 8 кыбартыыралаах муниципальнай дьиэ тутуута былааннаммыт.
Миниистир, кэлэр кэм педагогтарын бэлэмнииргэ үөрэнээччилэри идэҕэ туһаайыыга, хас биирдии улууска психолого-педагогическай кылаастары арыйыы ситимин кэҥэтиигэ болҕомто уурар ирдэнэрин бэлиэтээтэ.
Оробуочай мунньах түмүгүнэн олохтоох бэйэни салайыныы уорганнара үөрэх тэрилтэлэригэр педагогическай каадыры сыһыарыы, хааччыйыы үлэтин күүһүрдэллэригэр эттилэр. Ону тэҥэ, 2023-2024 үөрэх дьылыгар улуустары педагогическай каадырынан хааччыйыы тэрээһинин былаанын ылыныы, улуустартан сылдьар абитуриеннар педагогическай идэлэри талалларыгар, тус сыаллаах үрдүк уонна орто педагогическай үөрэххэ киирэллэригэр үлэни күүскэ тэрийэллэригэр ыйдылар.
Хаҥалас улууһун 1-кы Малдьаҕар нэһилиэгин олохтоохторо ааспыт өрөбүллэргэ бэлиэтэммит "Нэһилиэк күнүгэр" бэртээхэй сонуну истэн үөрдүлэр.…
Бу күннэргэ Амма улууһун баһылыга Степан Кузьмин кыстыкка киириигэ бэлэмнэнии чэрчитинэн улуус киинин хочуолунайдарын туруктарын…
Таатта Харбалааҕар Аҕа дойду Улуу сэриитигэр кыайыы 80 сыллаах үбүлүөйүн көрсө бэлэмнэнии үлэ саҕаланна. "Дьоһуннааҕы…
Бүгүн СӨ Урбааҥҥа, атыыга-эргиэҥҥэ уонна туризмҥа миниистирэ Тимур Ханды министиэристибэ үлэһиттэригэр «Туризмы сайыннарыы уонна территориальнай…
Балаҕан ыйын 14 күнүгэр "Мукучу нэһилиэгэ" МТ баһылыга Николай Иванович Левин, "Сарыал" түөлбэ салайааччыта Анна…
Нам улууһун баһылыга Юрий Слепцов анал дьаһалынан улуус социальнай-экэнэмиичэскэй сайдыытын пуондатын бырабылыанньата халаан уутуттан эмсэҕэлээбит…