Подъезка утуйан туран харчытын уонна төлөпүөнүн уордарбыт

Дьокуускайга полицейскайдар 36 саастаах эр киһини туттулар. Бу киһи ыаллыы олорор подъезка утуйа сытар киһиттэн төлөпүөнүн уонна харчытын уорбут.

Уорбаланааччы урут сууттана сылдьыбыта билиннэ. Бу туһунан ИДьМ пресс-сулууспата иһитиннэрэр.

Полицияҕа эр киһи суотабай төлөпүөнүн уоран баран,  12 тыһ. солк. суума харчыны каартаттан устан ылбыттарын туһунан тыллаабыт. Хара санаалаах ыаллыы олорор эр киһи аттынан ааһан иһэн төлөпүөнэ сытарын бэлиэтии көрбүт, ол кэннэ паролун таайан көрөн арыйбыт уонна бэйэтин счетугар харчыны ыыппыт. Ол кэннэ төлөпүөнү 7 тыһ. солк.  комиссионнай маҕаһыыҥҥа туттарбыт.

Уорбаланааччыга холуобунай дьыала тэрилиннэ. Кини алта сылга диэри көҥүлэ быһыллыан сөп.