Полиция миграция эйгэтигэр 200-тэн тахса кэһиини арыйда

«Нелегальнай мигрант» эпэрээссийэ чэрчитинэн, полиция үлэһиттэрэ, Арассыыйа ФСБ-тын Саха сиринээҕи салаатын, Арассыыйа ИДьМ хотугулуу-илиҥҥи линиэйнэй тырааныспар управлениетын, Арассыыйа Росгвардиятын Саха сиринээҕи салаатын үлэһиттэрин кытта бииргэ 2288 омук гражданнарын уонна миграннар олорор уонна үлэлиир 3866 эбийиэктэрин бэрэбиэркэлээтилэр.

Рэйдэ кэмнэригэр полиция миграция эйгэтигэр 229 административнай быраабы кэһиини арыйда диэн Саха Өрөспүүбүлүкэтин ИДьМ пресс-сулууспата иһитиннэрэр. РФ Административнай быраабын кодексатын 18.8, 18.9, 18.11, 18.10, 19.27, 18.20 ыстатыйаларыгар олоҕуран оҥоһуллубут сокуону кэһиилэр сүрүннээн Дьокуускайга, Алдан, Ленскэй, Мииринэй, Нерюнгри уонна Мэҥэ-Хаҥалас оройуоннарыгар бэлиэтэммиттэр.

Ону таһынан, подразделениелар үлэһиттэрэ миграция эйгэтигэр Арассыыйа Холуобунай кодексатын 322.1, 322.2, 322.3 уонна 327 ыстатыйаларыгар сөп түбэһиннэрэн, буруйу оҥоруу 21 түбэлтэтэ оҥоһуллубута быһаарылынна.

Бу рейдэ түмүгүнэн өрөспүүбүлүкэттэн утаарыы туһунан 19 административнай дьыала оҥоһуллубут, дойдуга киириини бобор 71 уонна быстах олорор болдьохторун кылгатыы туһунан 10 быһаарыы ылыллыбыт.