Сайаана Львова хаартыската
Дьокуускайга ааспыт өрөбүл күннэргэ ИДьМ сулууспатын үлэһиттэрэ сэрэтэр-профилактическай рейдэлэр кэмигэр арыгыны сокуону кэһэн атыылааһын 6 чахчытын бэлиэтээтилэр.
Учаастактааҕы боломуочунайдар быһаарбыттарынан, Беринг, Севернай, Пилоттар уонна Газовиктар уулуссаларыгар баар маҕаһыыннар атыыһыттара киэһэ 20:00 чаас кэнниттэн арыгыны атыылаан, сокуоҥҥа олоҕурбут кэми кэспиттэр.
Ону таһынан, Киров уулуссатыгар баар дьиэ аттыгар полиция үлэһиттэрэ 27 саастаах бутлегеры туттулар. Кини массыынатыттан арыгы атыылыы сылдьыбыт. Тырааныспар сириэстибэтин бэрэбиэркэлиир кэмҥэ испирдээх утахтар булуллан, былдьаннылар.
Оттон Газовиктар уулуссатыгар баар маҕаһыыҥҥа сааһын ситэ илик оҕолору кытта үлэлиир иниспикэтэрдэр оскуола саастаах оҕоҕо арыгы атыылаабыттарын бэлиэтээтилэр. Сокуону кэһиини таһаарбыт дьоҥҥо РФ Административнай кодексатын 14.17.1 ыстатыйатын 1-кы чааһынан, 14.16 ыстатыйатын 2.1 чааһынан уонна 14.2 ыстатыйатынан административнай боротокуоллар оҥоһулуннулар.
Полиция үлэһиттэрэ арыгы эргиирин эйгэтигэр сокуону кэһиини сэрэтиигэ, булууга уонна бохсууга аналлаах профилактическай рейдэлэрэ салҕаналлар.
Санатан эттэххэ, Саха Өрөспүүбүлүкэтигэр арыгы атыыта олохтоох кэминэн киэһэ 20:00 чаастан сарсыарда 14:00 чааска диэри бобуллар.
Бырабыыталыстыба отчуота Муома улууһугар Кулун Өлбүттэн бүгүн, олунньу 2 күнүттэн, саҕаланна. Вице-премьер Георгий Степанов салайар…
Саха сиригэр устудьуоннар оҥорбут бастакы спутниктара — «Чолбон» аппараат космоска тахсан, Сир үрдүнэн 510-550 килэмиэтир…
Олунньу 2 күнүгэр Дьокуускайга Арассыыйатааҕы Буойун албан аатын күнүн бэлиэтиир өйдөбүнньүк тэрээһиннэр ыытылыннылар — бу…
Олунньу 2 күнэ -- Сталинграды босхолооһун күнэ. Бу Сэбиэскэй Аармыйа ситиспит Улуу Кыайыыта бүтүн аан…
Аатырбыт "Алеша" Танк экипаһын хамандыыра, Арассыыйа Дьоруойа Александр Сергеевич Леваков байыаннай дьайыы саҕаланыаҕыттан Саха сириттэн…
Олунньу 2 күнэ - Арассыыйаҕа Сталинград кыргыһыытыгар Сэбиэскэй аармыйа ньиэмэс-фашист күүстэрин үлтүрүппүт бэлиэ күнэ. Сталинград…