Хаартыска СӨ ИДьМ пресс-сулууспатыттан
Арассыыйа ИДьМ «Дьокуускайдааҕы» 3 №-дээх полициятын отделыгар дьахтар тиийэн, балыыһаҕа эмтэнэ сытар кииринньэҥ аҕатын «Toyota Land Cruiser» массыынатын уорбуттарын туһунан үҥсүү суруйбут. Дьахтар эппитинэн, билбэт киһитэ джип массыынаны хараастан уорбут. Бу туһунан СӨ ИДьМ пресс-сулууспата иһитиннэрэр.
Суһал көрдүүр тэрээһиннэр түмүктэринэн холуобунай ирдэбил үлэһиттэрэ Арассыыйа ИДьМ «Дьокуускайдааҕы» МУ баайга-дуолга буруйдары арыйыыга отделын кытта бииргэ үлэлээн, буруйга сыһыаннааҕынан сокуоннай сааһын туола илик учуокка турар 17 саастаах уол буоларын быһаардылар.
Полиция үлэһиттэрэ быһаарбыттарынан, уорбаланааччы биирдэ эмсэҕэлээччи киһи уолун билэр ийэтин кытта бу ыалга ыалдьыттаабыттар уонна харааска баар массыынаны көрбүт. Ол кэннэ кини саастаах киһи балыыһаҕа киирбитин истэн баран, массыынаны уорарга санаммыт. Киэһэ буруйдаах эмсэҕэлээччи дьиэтигэр тиийэн, харааска киирбит. Массыына күлүүһүн салонтан булбут уонна собуоттаан, сүүрдэн тахсыбыт. Куорат устун айанныы сылдьан, кини ДПС ботуруулун көрөн куттанан, Семен Данилов уулуссатыгар баар дьиэ аттыгар массыынаны бырахпыт уонна куоппут. Массыына хаһаайыныгар төннөрүллүбүт.
Арассыыйа Федерациятын Холуобунай кодексатын 166 ыстатыйатын 1 чааһынан («Уорар сыала-соруга суох массыынаны эбэтэр атын тырааныспары сокуоннайа суох ылыы») холуобунай дьыала көбүтүлүннэ.
Өрөспүүбүлүкэтээҕи Ийэ хапытаалын дьайыытын кэҥэтэр туһунан былырыын Айсен Николаев Ил Түмэҥҥэ туһаайбыт Анал этиитигэр, кылгас…
Бүгүн, ахсынньы 15 күнүгэр, СӨ Бырабыыталыстыбатын уонна Дьаһалтатын салайааччыларын кытары ыытыллыбыт пленарнай мунньахха Саҥа дьыл…
Москваҕа байыаннай дьайыы бэтэрээннэрин "Вместе победим" Бүтүн Арассыыйатааҕы пуорума түмүктэннэ. Саха сириттэн онно байыаннай дьайыы…
Ахсынньы 15 күнүгэр Чэй күнэ бэлиэтэнэр. Онон, маннык тымныы, туманнаах күҥҥэ итии чэйдэ иһиэҕиҥ! Былыр,…
Уус Алдан улууһугар Дүпсүҥҥэ волонтердар үлэлэрэ тиһиктээхтик салҕанар. "Дүпсүн эһигинниин бииргэ" түмсүү настаабынньыга Пелагея Васильевна…
Оҕолору кытта куттал суох буоларын туһугар хайаан да кэпсэтиэххэ наада. Маннык тымныы күннэргэ ураты болҕомтолоох…