СӨ Бэтэрэнээрийэ департамена Дьокуускайга хаһаайыннаах ыттарга бүрүсүлүөс көстөн, Москва куоракка 23 анаалыс боруобатын бэрэбиэркэҕэ ыыппыта.
Бу ыытыллыбыт анаалыс түмүктэрэ биллибиттэрин туһунан бүгүн иһитиннэрдилэр. Ол курдук ыттартан, куоскалартан ылыллыбыт уопсайа 23 анаалыстан соро5ор ыарыы баара билиннэ. «Кыыллар доруобуйаларын харыстыыр федеральнай кииҥҥэ» (ВНИИЗЖ ) ИФА анаалыһын чинчийиитигэр 19 ыт уонна 4 куоска хаанын анаалыһын түмүгүнэн, 12 ыт уонна икки куоска анаалыһыгар бүрүсүлүөс баара биллибит. Итинтэн сэттэ ыт уонна биир куоска анаалыстарын саарбахтыыллар. Барбыт анаалыстартан, арай биир куоска анаалыһа бүрүсүлүөс суоҕун көрдөрбүт.
Бэлиэтээн эттэххэ, бүрүсүлүөс ыарыы көстөрүн кытта СӨ Бэтэрэнээрийэ департамена Дьокуускайга хааччахтыыр харантыыны биллэрбитэ. Ол курдук Дьокуускайга уонна Жатай бөһүөлэгэр 10 эпизоотическай очаг баара биллибитэ. Бэтэринээрдэр бүрүсүлүөс салгыы тарҕамматын туһугар үлэлэһэллэр. Онон Очиченко 57 уулуссаҕа баар «Помоги выжить” пуун эпизоотическай очагтаах сиринэн буолла. СӨ Бэтэринээрийэ Департаменын анал хамыыһыйата бу пууҥҥа төһө ыт ыалдьыбытын быһаарыаҕа.
Пууҥҥа баар ыттартан барыларыттан анаалыс ылыахтара. Бары анаалыстар босхо оҥоһуллуохтара. Оттон ыттаах хаһаайыттар ыттарын бүрүсүлүөскэ бэрэбиэркэлэтэр буоллахтарына, Дьокуускай куорат Чехов уулуссатын 66 нүөмэригэр баар бэтэринээринэй килииникэҕэ төлөбүрдээх анаалыс туттарыахтарын сөп. Бэтэринээрийэ быраабылатынан, Арассыыйа тыатын хаһаайыстыбатын министиэристибэтин 08.09.2020 533 №-дээх бирикээһинэн, бүрүсүлүөһүнэн ыалдьыбыт ыттар уонна куоскалар утутуллуохтаахтар.
Саҥа дьыллааҕы бырааһынньыктар түмүктэнэн, симэммит харыйалары хомуйар кэм чугаһаата. Астрологтар маннык күннэргэ харыйаны хомуйары сүбэлииллэр:…
Судаарыстыбаннай Дуумаҕа дьиэ кэргэҥҥэ үһүс уонна онтон кэлэр оҕолор төрөөтөхтөрүнэ дьиэ кэргэн ипотекатын ыстаапкатын намтатар…
Бэрэсидьиэн академиятын эспиэрэ Татьяна Подольская быйыл уоппускаҕа барарга саамай барыстаах ыйдары эттэ. Кини иһитиннэрбитинэн, биэс…
Ороһуоспа бырааһынньыгар остуолга ууруллар ас-үөл дойду эрэгийиэннэринэн араастаһыан сөп эрээри, бырааһынньыгы көрсө үгүс хаһаайкалар маннык…
Ааспыт сылга Дьокуускай куорат Гагарин уокуругар ханна да суох улахан уонна аныгы тутуулаах СМАРТ-поликлиника үлэҕэ…
РФ уопсай үөрэхтээһинин бочуоттаах үлэһитэ, “СӨ үтүөлээх учуутала” бочуоттаах аат хаһаайына, Дьокуускай куорат 26‑с нүөмэрдээх…