Профлиискэ эмсэҕэлээбит понины быыһаатылар

СӨ Бэтэринээрийэҕэ департамена иһитиннэрбитинэн, бу ыйга Мархатааҕы бэтэринээринэй учаастакка сылгылары иитэр киһи сибээскэ тахсан көмөҕө ыҥырбыт.

Ол курдук, Феникс диэн ааттаах биэс саастаах пони профлиискэ ойоҕоһун хайа тардан аһаҕас баастаах көрсүбүт. Бэтэринээр Арианна Адамова аһаҕас бааһы ыраастаан, тигэн понины өрүһүйбүт.

Ону сэргэ дьиэ кыылын салгыы антибиотигынан хайдах эмтиири, куттала суох сирдэринэн мэччитэр туһунан сүбэ-ама биэрбит. Бэтэринээрдэр суһал көмөлөрүнэн дьиэ кыыла тыыннаах хаалбыт.