ПСБ биисинэс-ассистена килийиэннэри кытта тэйиччиттэн үлэлиир бастыҥ сервиһинэн буолла

ПСБ «CCGuru Awards/Хрустальная гарнитура” идэ маастарыстыбатын сыл аайы ыытыллар куонкуруһун лауреатынан буолла. Манна нейрон ситимин уонна массыынанан үөрэтиигэ үлэлиир биисинэскэ Арассыыйаҕа бастакы чат-бааны көрдөрөн, “Искусственнай интеллект технологиятын бастыҥ туһаныы” номинацияҕа кыайда.

Коммуникация бары каналларыгар туһаныллар “Катюша” биисинэскэ виртуальнай ассистент сүбэлиири таһынан мессенджерынан төлөбүр операциятын ыытарга көмөлөһөр. Онон мобильнай бааны солбуйар кыахтаах, тоҕо диэтэххэ, кэпсэтэргэ көннөрү каналга хаалан, үлэ соруктарын толорорго кыаҕы биэрэр.

Чат-бааҥҥа урбаанньыттар счеттарын реквизитин, быыпысканы көрүөхтэрэ уонна QR-кодунан төлүөхтэрин сөп, хаартысканан, шаблонунан, операция историятынан эбэтэр бэйэлэрэ төлөбүр оҥорон, счеттарын контрагеннарга ыытыахтарын сөп. Килийиэннэр суукканы эргиччи туһанар биисинэс-ассистеннара тарыып усулуобуйатынан, кирэдьиитинэн уонна биисинэс-каартанан сүбэлиир, чугастааҕы офис эбэтэр банкомат аадырыһын этэр, мобильнайы уонна интэриниэт-баан үлэтигэр быһаарар кыахтаах. Маныаха килийиэн “Катюшаны” кытта тиэкиһинэн уонна саҥаран кэпсэтиэн сөп. Искусственнай интеллект кыаҕын салгыы үөрэтэн, ПСБ коммуникация бары каналларыгар GPT нейроситими кытта кэпсэтии сервиһин баан өҥөлөрүттэн атын тиэмэлэргэ, холобура, маркетинг тиэкиһин хайдах суруйарга эбэтэр нолуогу хайдах төлүүргэ туһанар.

“Искусственнай интеллект технологиялара тэтимнээхтик сайдыылара биһигини килийиэннэри кытта үлэлэһиигэ саҥа ньымалары олохтуурга көҕүлүүр. Нейрон ситимин туһаныы уонна кэскиллээх технологическай оҥорон таһаарыылар көмөлөрүнэн, ПСБ сүбэлиир уонна төлүүр инструменын күннээҕи олоххо, ону тэҥэ урбаанньыт-килийиэннэрин кытта кэпсэтэр атын каналлары үлэлэтии (киллэрии) үрдүк соругун ситиһиилээхтик толордо. Биһиги инновацияҕа сонун идиэйэлэрбитин биир идэлээхтэрбит үрдүктүк сыанабыллара килийиэннэрбитин кытта баан саҥа сервистэрин кытта үлэлээһини олох саҥа таһымҥа таһаарыыга сөптөөх суоллары көрдүүрбүтүгэр көҕүлүүр”, — диэтэ вице-бэрэсидьиэн, ПСБ орто уонна дьоҕус биисинэһин электроннай биисинэһин департаменын дириэктэрэ Иван Паткин.

CСGuru Awards/Хрустальнай гарнитура – бу 2005 с. олохтоммут наҕараада, сыл аайы туттарыллар уонна биир идэлээхтэр түмсүүлэригэр ситиини-хотууну уонна сайдыыны кэрэһилиир. Кыттааччылар маркетинг, атыылааһын, сервис уонна контакт-киин сулууспаларыгар килийиэннэри кытта тэйиччиттэн үлэлээһиҥҥэ кытааччылар үрдүк ситиһиилэрин бигэргэтэр.