Психологическай көмөнү оҥорор онайн-сервис баар буолуо
02.10.2022, 12:30
Бөлөххө киир:
Өрөспүүбүлүкэҕэ психологическай көмөнү оҥорор онлайн-сервис баар буолуо.
«Доруобуйа» уонна «Демография» национальнай бырайыактарынан, эрэгийиэн бырагырааматын былаанынан бу сервис оҥоһуллар. Сүбэни-аманы биэдэмистибэ исписэлиистэрин сэргэ, чааһынай быраактыка психологтара эмиэ оҥоруохтара диэн өрөспүүбүлүкэтээҕи психологическай киинтэн Владимир Скрябин иһитиннэрэр.
—Нэһилиэнньэлээх пууннарга психологическай көмөнү оҥоруу боппуруоһа сытыытык турар. Нэһилиэнньэ наадыйар кыһалҕата филиалларбыт, күнү эргиччи үлэлиир быһа сибээстэрбит, үлэлэринэн айанныыр десаннарбыт тиһиктээхтик үлэлэспиттэрин да иһин, профессиональнай өҥөнү оҥорууга, барыта кыаллыбат, — диир Скрябин.
Дьон өйүгэр-санаатыгар, уйулҕатыгар көмөнү оҥоруу ким баҕалаахха тэрилтэҕэ босхо оҥоһуллар. «Психологиум» бырагыраама иитинэн сырдатар, үөрэтэр бырайыактар ыытыллаллар.
Оттон онлайн-сервис ыраах олорор улуустарга, нэһилиэктэргэ көмөлөһүө. Бырайыагынан төлөбүрдээх сүбэни-аманы оҥорууну эмиэ көрөллөр.
—-Нэһилиэнньэ сураһан, ыйыталаһан, билэн-көрөн баран исписэлиискэ суруйтарыан, консультаны талыан сөп. Сервискэ икки тылынан үлэлиэхтэрэ. Онон сахалыы саҥарар консультаҥҥа суруйтарар кыах эмиэ баар буолуоҕа, — диир Владимир Борисович.
Саха сиригэр 2018 сыллаахха сыыппара сайдыытын туһунан Ил Дархан Айсен Николаев ыйааҕа тахсыбыта. Бүгүҥҥү күҥҥэ нэһилиэнньэ 90-тан таха бырыһыана түргэн интэриниэтинэн туһанар кыахтаах. 2021 сыл бүтүүтүгэр өрөспүүбүлүкэҕэ нэһилиэнньэ психологическай доруобуйатын харыстабылыгар бырагыраама үлэлээбитэ. Үлэни сүрүннээччинэн өрөспүүбүлүкэтээҕи пихологическай киин буолбута.
Хаартыска: forbes.ru
+1
+1
+1
+1
+1
+1
+1
Сообщить об опечатке
Текст, который будет отправлен нашим редакторам: