Хаартыска sakha.gov.ru ылылынна
Бу туһунан СӨ Бырабыыталыстыбатын бэрэссэдээтэлин солбуйааччы Ольга Балабкина бэҕэһээ, муус устар 7 күнүгэр, брифиҥҥэ Хабаровскайтан иһитиннэрбит.
«Ил Дархан Айсен Николаев сорудаҕынан ыытыллар, байыаннай эпэрээссийэ кыттыылаахтарын уонна кинилэр дьиэ кэргэттэрин чөлгө түһэрии үлэлэрэ тиһиктээхтик салҕаналлар. Манна СӨ Ыччат дьыалаларыгар уонна социальнай коммуникацияҕа министиэристибэтин психологическай киинин үлэһиттэрэ ылсан үлэлэһэллэр. Ааспыт сыл кулун тутар ыйыттан уопсайа 5 806 сүбэ-ама оҥоһуллубут«, — диэн этэр Ольга Балабкина.
Байыаннай дьайыы кыттыылаахтарыгар кэлим психологическай өйөбүлү оҥорорго уйулҕа үлэһиттэрэ Владивостокка, Хабаровскайга, Уссурийскайга, Доннааҕы Ростовка байыаннай госпиталларга бараллар.
Вице-премьер психологическай көмөҕө наадыйааччылар 122 нүөмэр «суһал лиинийэтигэр» уонна хонугу эргиччи үлэлиир 8-800-100-15-30 нүөмэргэ эрийэххэ сөп диэн ыйар.
Ольга Балабкина байыаннай эпэрээссийэ кыттыылаахтарыгар көмөлөһөр бөлөхтөргө үлэ салҕанарын бэлиэтээтэ. Бүгүҥҥү күн туругунан, эрэгийиэн таһымнаах 1782 иһитиннэриигэ көмө, өйөбүл оҥоһуллубут, 180 ситэриллэрэ хаалбыт. Кини иһитиннэрбитинэн, өрөспүүбүлүкэ сиригэр-уотугар байыаннай эпэрээссийэ 408 кыттыылааҕар уонна кинилэр дьиэ кэргэттэригэр — 83 ыалга мэдиссиинэ көмөтө оҥоһуллубут. Кэлим мэдиссиинэ, социальнай, психологическай чөлгө түһэриинэн байыаннай дьайыы 153 кыттыылааҕа уонна 142 байыастар аймахтара хабыллыбыттар. Санаторнай-курортнай эмтэниигэ 32 киһи сылдьыбыт.
«Мин Хабаровскайга баарбын. Бүгүн биһиги мэдиссиинэ үлэһиттэрин биригээдэтин кытары көрсүөхтээхпит. Биригээдэни Саха сиригэр оҕо инфекционнай балыыһатын кылаабынай бырааһа Владимир Богдашин салайар. Бу көрсүһүүгэ туох ситэриллиэхтээҕин быһаарсыахпыт, миэстэтигэр бэрэстэбиитэллэрбит үлэлэрин, о.д.а. наадалаах боппуруостары чопчулуохпут«, — диэбит вице-премьер.
Ольга Балабкина Ил Дархан Айсен Николаев ыйааҕынан ылыныллыбыт байыаннай эпэрээссийэ кыттыылаахтарын уонна кинилэр дьиэ кэргэттэрин өйүүр бары миэрэлэр толоруллан иһэллэрин бэлиэтээбит.
СӨ Ил Дарханын уонна Бырабыыталыстыбатын пресс-сулууспата
Лев Павлов көҥүл тустууга юниордар истэригэр аан дойду чөмпүйэнээтигэр үрүҥ көмүс мэтээли ылары ситистэ. Кини…
Бүгүн, балаҕан ыйын 8 күнүгэр, Саха сирин соҕуруу, хотугулуу-илин, күнүс арҕаа улуустарыгар сорох сиринэн ардах,…
Бүгүн НТВ ханаал “Чудо” биэриитигэр Сунтаар улууһун Элгээйи орто оскуолатын үөрэнээччитэ, эдэр орнитолог, 11 саастаах…
Аҕыйах хонуктааҕыта Сунтаар улууһун Куокуну нэһилиэгэр Улахан Табаҕа киэҥ нэлэмэн, үрдүк үүнүүнү биэрэр бааһыната талах…
Оҕо барахсан хайа да кэмҥэ арахсыспат аргыһа – оонньуур буоллаҕа. Онон “Наука 0+” билим бэстибээлин…
Бу күннэргэ өрөспүүбүлүкэ улуустарыгар ититии сезона саҕаланан эрэр. Мэҥэ Хаҥалас улууһун пресс-сулууспата дьаһалта телеграм-ханаалыгар иһитиннэрбитинэн,…