Пушкин института 2024 сыл тылын быһаарда

А.С.Пушкин аатынан Нуучча тылын судаарыстыбаннай института 2024 сыл тылынан «Пушкин» диэн тылы ааттаата. Бу туһунан объясняем.рф саайт суруйар.

Итиэннэ ааһан эрэ сыл тылларынан «дьиэ кэргэн», «оҥоһуу өй», «быыбардар» уонна «квадробер» диэн тыллары  талбыттарын туһунан институт пресс-сулууспата ТАСС-ка иһитиннэбит.

«Тылдьыттар уонна энциклопедиялар күннэрин көрсө (о.э. бүгүн, сэтинньи 22 күнүгэр, бэлиэтэнэр) Пушкин аатынан институт сыл тылын ааттаата. Нуучча тылын үөрэтэр эспиэрдэр санааларынан, бу тыл «Пушкин» диэн», — диэн иһитиннэриигэ суруллар.