Владимир Путин сэтинньи 15 күнүнээҕи ыйааҕынан Дьокуускайга «Килбиэннээх үлэ куората» үрдүк ааты иҥэрдэ.
Ил Дархан Айсен Николаев телеграмм-каналыгар ити үтүө сонуну үллэһиннэ. «Саха сиригэр икки куорат — Дьокуускай уонна Алдан — ити үрдүк ааты сүгэринэн киэн туттабыт», — диэтэ кини. Алдаҥҥа былырыын балаҕан ыйыгар РФ Бэрэсидьиэнин Ыйааҕынан итинник ааты иҥэрбиттэрэ.
Видеосибээс нөҥүө Ново-Огаревоҕа Владимир Путин ыыппыт «Победа» тэрийэр кэмитиэт мунньаҕар үрдүк ааты иҥэрэр туһунан кэпсэттилэр. Арассыыйа наукаларын академията иһитиннэрбитинэн, быйыл 11 сайаапка киирбит.
РНА бэрэсидьиэнэ Геннадий Красников: «Тэрилтэлэрэ Кыһыл Знамя уордьанынан наҕараадаламмыт Дьокуускай ураты миэстэни ылар. Дьокуускай оборуона бырамыысалыннаһын базата буолбута. Сэрии кэмигэр манна 40 тонна кыһыл көмүс, дойду сүлүүдэтин аҥаарыттан ордуга хостоммута. Бу кыһыллыҥы өҥнөөх сүлүүдэ электроприбордар изоляциятыгар туһаммыттара», — диэтэ.
Дьокуускайы сэргэ үрдүк ааты Астрахаҥҥа, Вологдаҕа, Горловкаҕа, Златоустка, Каспийскайга, Луганскайга, Норильскайга, Орскайга иҥэрдилэр.
Таатта улууһун киинигэр Улуу Кыайыы 80 сыллаах үбүлүөйүн көрсө "Кыайыы көтөллөөх буойун учууталлар көмүс уруоктара"…
edersaas.ru саайт 2020 сыллаах архыыбыттан. Кыайыы 75 сылынан эһээм кэпсээниттэн тугу өйдөөн хаалбыппын суруйарга быһаарынным.…
Амма улууһугар Аҕа дойду Улуу сэриитин уотун ортотунан ааспыт көлүөнэ дьон Сулуһа суох Дьоруойунан билинэр,…
Бэҕэһээ, ыам ыйын 8 күнүгэр, Дьокуускай куоракка аан бастыкытын ыытыллыбыт "Кыайыы вальсыгар" үгүс киһи үөрэ-көтө…
Дьокуускайга "Өлбөт үйэлээх полк" Бүтүн Арассыыйатааҕы үгэскэ кубулуйбут аахсыйа буолан ааста. Быйыл манна 50 тыһыынчаттан…
Ленскэй оройуонугар муус көхтөөхтүк устарын бэлиэтииллэр. Муус хамсааһынын орто диэн сыаналаатылар, уу таһыма рейкэ кээмэйигэр…