РАНХиГС устудьуоннара Уһук Илиҥҥэ үлэлэрин саҕалыырга бэлэмнэр

Судаарыстыбаннай сулууспаҕа үлэлиир каадырдары бэлэмниир үөрэх кыһатыгар Уһук Илин эрэгийиэннэригэр аналлаах быыстапка аһылынна. Устудьуоннар мантан ханнык кэскиллээх салаалар баалларын, бөдөҥ хампаанньалар үлэлииллэрин, ханнык каадырдар ордук наадалаахтарын, көһөн тиийээччилэргэ туох судаарыстыбаннай өйөбүл баарын биллилэр.  

Быыстапкаҕа сылдьыбыт дьон Уһук Илиҥҥи федеральнай уокурук олоҕун сиһилии кэпсиир тэрээһини үрдүктүк сыаналаатылар. Үгүстэр тымныы Саха сиригэр, дьикти Приморскай кыраайга, таабырыннаах Забайкальскай кыраайга, о.д.а. сылдьыахтарын баҕардылар. Сорохтор уһук илиҥҥи эрэгийиэннэри карьераны саҕалыырга сөптөөх сирдэр эбит диэн бэлиэтии көрдүлэр.

“Билиҥҥитэ көһөргө бэлэмим суох эрээри, астына-дуоһуйа баран көрүөм, быраактыкабын онно ааһыам этэ”, — диир салаа менеджмент институтун устудьуона Полина Корнеева.