Салгыы
Юрий Трутнев: «Саҥа кэм сонун сүүрээннэри киллэриигэ туһуланар»

Юрий Трутнев: «Саҥа кэм сонун сүүрээннэри киллэриигэ туһуланар»

14.05.2024, 13:51
Хаартыска: СӨ Ил Дарханын уонна Бырабыыталыстыбатын пресс-сулууспатын саайтыттан
Бөлөххө киир:

РФ Бэрэсидьиэнин Уһук Илиҥҥэ боломуочуйалаах бэрэстэбиитэлэ – РФ Бырабыыталыстыбатын бэрэссэдээтэлин солбуйааччы Юрий Трутнев Судаарыстыбаннай Дуума дьокутааттарын иннигэр Бырабыыталыстыба бэрэссэдээтэллэрин солбуйааччыларын бигэргэтии кэмигэр тыл эппитин туһунан боломуочунай пресс-сулууспата иһитиннэрдэ.

Судаарыстыбаннай Дуума Уһук Илин уонна Арктика сайдыытыгар сис кэмитиэт бэрэссэдээтэлэ Николай Харитонов  РФ Бэрэсидьиэнин Уһук Илиҥҥэ боломуочуйалаах бэрэстэбиитэлэ-РФ Бырабыыталыстыбатын бэрэссэдээтэлин солбуйааччы Юрий Трутнев үлэлиир кэмин устата ситэриилээх  уонна сокуону оҥорор былаастар бииргэ үлэлээһиннэрэ күүһүрэригэр эрэлин биллэрэн туран, Юрий Петрович кандидатуратын өйүүрүн биллэрдэ.
Юрий Трутнев бэйэтин этиитигэр Уһук Илин уокурук туһунан билиһиннэрэн туран, кэскиллээх соруктары бэлиэтээтэ:

—  2030 сылга диэри 1700-тэн тахса тэрилтэ, 230 тыһыынча үлэ саҥа миэстэтэ тахсыаҕа.   Уһук Илиҥҥэ дьону  олохсутуу — эмиэ сүрүн сорук. Ол туһугар  сылга 2%-наах «Уһук Илиҥҥи ипотека» уонна  «Уһук Илиҥҥи гектар» бырагыраама үлэлииллэр. Уһук Илинҥэ 7,9 мөлүйүөн киһи олорор. Бу Арассыыйа олохтооҕун  41%-на. Уокурукка  77% — алмаас,  50%  — көмүс, 39% хорҕолдьун  хостонор. Бу испииһэгин салгыы туруохха сөп. Ол эрээри эрэгийиэн сайдыытын суол-иис мөлтөҕө,  энергетическэй инфраструктура, тутуу матырыйаалын сыаната ыарахана,   ыраах оройуоннарга аһы-үөлү  тиэрдии уустуктардаах.
Үгүс үлэ дьон олоҕун хаачыстыбатын тупсарыыга туһуланар.  Бэрэсидьиэн  Уһук Илиннээҕи субсидиятынан 6 сыл устата   119 балыыһа уонна  фельдшерскэй-акушерскай пуун, 159 оскуола, 74 оҕо саада, 75 спортивнай эбийиэк, 49 култуура тэрилтэтэ,  массыына  суоллара  тутулунна, өрөмүөннэннэ,  143 ОДьКХ эбийиэгэ тутулунна,  600-тэн тахса уопсастыбаннай уонна  технологическай тырааныспар атыылаһылынна.  «1000 тиэргэн» бырагыраама чэрчитинэн бүгүҥҥү күҥҥэ 1 810 уопсастыбаннай территория  оҥоһулунна. 
Сүрүн өйөбүлүнэн Судаарыстыбаннай Дуума 2023 сыллаахха өйөөбүт Хотугу таһаҕаһы тиэйии сокуона буоларыгар эрэлбит улахан. Уокурук түөрт эрэгийиэнигэр — Саха сиригэр, Камчаткаҕа, Чукотскай автономнай уокуругар, Сахалин уобалаһыгар дьон кэлиитэ элбээн эрэр. Маны таһынан, РФ Бэрэсидьиэнэ  Уһук Илин 25 куоратын саҥардыыга туһаайыллыбыт сорудаҕа эмиэ сайдыы саҕахтарын саҕар. Саҥа кэм сонун сүүрээннэри киллэриигэ туһуланар, — диэн бэлиэтээтэ Уһук Илин  уокуругун боломуочунайа  Юрий Трутнев.

+1
0
+1
0
+1
0
+1
0
+1
0
+1
0
+1
0
Бары сонуннар
Салгыы
15 июня
  • 18°C
  • Ощущается: 17°Влажность: 59% Скорость ветра: 2 м/с

Сообщить об опечатке

Текст, который будет отправлен нашим редакторам: