Хаартыска: sakha.gov.ru
РФ Бырабыыталыстыбата Уһук Илин куораттарын маастар-былааннарын олоххо киллэриигэ туһаныллар докумуоннары түмэр дьаһалы бигэргэттэ. Бу туһунан sakha.gov.ru суруйар.
Саҥа дьаһал быһыытынан тэрээһиннэр 2030 сылга диэри ыытыллыахтаахтар. Ону тэҥэ үбүлээһинин киллэрдэ. Бу уокурук 25 куоратын кэлимсэ саҥардыы бырагырааматын Арассыыйа Илиҥҥи сайдыытын министиэристибэтэ уонна Уһук Илин уонна Арктиканы сайыннарыыга корпорация сүрүннүүллэр.
Эрдэ ыытыллыбыт тэрээһиннэри киллэрэн туран, бу бырагыраама 3,6 трлн солк. тэҥнэһэр, итиннэ 1,3 трлн солк. федеральнай үбү киллэрэн туран.
“Маастар былааннары хас биирдии Уһук Илин эрэгийиэнинэн чопчулаатыбыт: тэрээһин ахсааныттан саҕалаан үбүлээһинигэр тиийэ. Онон бырагырааманы салайар кыах үөскээтэ”, — диэтэ Арассыыйа Илиҥҥи сайдыытын министиэристибэтин салайааччытын солбуйааччы Эльвира Нургалиева.
Бу бырагыраама көмөтүнэн Петропавловскайдааҕы Камчатскай уонна Магадан аэропортара тутулуннулар, Дьокуускайга Өлүөнэни туоратар муоста тутуута саҕаланна, Хабаровскайга саҥа дьиэ-уот тутуллар. Амур уобалаһа уонна Чукотка автономнай уокуруга норуот облигацияларын таһаардылар, ити үбэ маастар-былааннары ыытыыны үбүлүөҕэ. Сэтинньи 6 күнүгэр Дьокуускай куорат бэйэтин облигациятын таһаарыаҕа.
Санатан эттэххэ, алтынньыга Бырабыыталыстыба хамыыһыйатын штабын мунньаҕар РФ Бырабыыталыстыбатын Бэрэссэдээтэлин солбуйааччы Марат Шакирзянович Хуснуллин Дьокуускайга казначейскай инфраструктура кирэдьииттэрин бырагырааматынан икки бырайыагы бигэргэппитэ. Үбүлээһин сыллааҕыта 3 быр. бэриллэр. Өлүөнэни туоратар муостаны тутууга 4,7 млрд солк. үп бигэргэннэ. Ону тэҥэ “Спортивнай” түөлбэ бастакы уочаратыгар үбүлээһин кээмэйэ – 5,3 млрд солк. Онон инженернэй инфраструктураны саҥардыахтара.
Сиһилии: https://www.sakha.gov.ru/news/14883
Түмэл иитэр-үөрэтэр үлэҕэ музейнай педагогика диэн улахан суолталаах эйгэ буолар. Бу, оҕо экспонат көмөтүнэн устуоруйаны…
Саха сиригэр уот тарыыба социальнай тэрилтэлэргэ эмискэ улааппытын, онон саахал тахсар куттала баарын туһунан Саха…
Саха сирин Бырабыыталыстыбатын Бэрэссэдээтэлин солбуйааччы Георгий Степанов Арассыыйа Бэрэсидьиэнэ Владимир Путин пресс-кэмпириэнсийэтин – быһа эпиирин…
Саха сирэ үчүгэйдик сайдар уонна Бэрэсидьиэн этэринэн, бойобуой киирсии лииньийэтигэр аан да дойдуга суох байыастары…
Суруналыыс омук массыынатын ылыныам диэн биэс сыл харчы мунньуммут. Ол эрээри, массыынаҕа сыана олус үрдээн…
Дойду Бэрэсидьиэнэ Владимир Путин сылы түмүктүүр пресс-кэмпириэнсийэтигэр тыһыынчанан ыйытыы киирэр. Онтон биирдэстэрин мэдиссиинэ университетын 5-с…