РФ Миниистирэ Алексей Чекунков «Цифровой Алмаас» пуорумҥа үлэлии кэллэ
![](https://sakha-sire.ru/wp-content/uploads/2023/11/0a5cf18a-e9d9-448b-b265-cea04a84c680-1060x596.jpeg)
Бүгүн, сэтинньи 24 күнүгэр, РФ Уһук Илин уонна Арктика сайдыытыгар миниистирэ Алексей Олегович Чекунков Саха сиригэр «Цифровой алмаас» пуорумҥа үлэлии кэллэ. Бу туһунан Ил Дархан Айсен Николаев телеграм-ханаалыгар иһитиннэрэр.
![](https://sakha-sire.ru/wp-content/uploads/2023/11/e3e7082f-b1c7-451b-b91a-e32ee47cfee5.jpeg)
![](https://sakha-sire.ru/wp-content/uploads/2023/11/ed8b0ca6-9b20-4a53-b2dc-ca0a520629c5.jpeg)
«Бастатан туран, Алексей Олеговичка РФ Бэрэсидьиэнэ Владимир Владимирович Путин сорудаҕынан Дьокуускайга тутуллуохтаах элбэх функциялаах киинэ павильонун бырайыагын көрдөрдүбүт», — диэн Ил Дархан суруйар.
«Киинэ павильона Дьокуускайга 68-с кыбартаалга тутуллуоҕа. Тутууга Уһук Илин киинэни оҥорон таһаарааччыларын, итиэннэ федеральнай эспиэрдэр бары сүбэлэрэ учуоттаныаҕа. Билиҥҥитэ федеральнай Бырабыыталыстыбаны кытта РФ Бэрэсидьиэнин сорудаҕын хаачыстыбалаахтык болдьоҕор толорор соруктаахпыт», — диэн Айсен Сергеевич иһитиннэрэр.
Сообщить об опечатке
Текст, который будет отправлен нашим редакторам: