Кирилл Бычков ТГ-ханаалыттан
2026 сылтан өрөспүүбүлүкэҕэ хоту таһаҕаһы тиэйиинэн Биир кэлим байҕал оператора дьарыктаныаҕа. Сэтинньи 2 күнүгэр туһааннаах сөбүлэҥҥэ илии баттанна.
Өрөспүүбүлүкэ сирин-уотун аҥаарыттан сороҕо Арктика зонатыгар киирэр буолан, хоту таһаҕаһы тиэйии бигэ туруга — стратегическай суолталаах боппуруос. Саха сиригэр сыл аайы 2 мөлүйүөнтэн тахса туонна таһаҕас тиэрдиллэр, онтон 1,4 мөл. туонната — олоххо-дьаһахха саамай наадалаах табаар. Быйыл уопсай сыаната 70 млрд солк. тахсыаҕа.
«Росатом» корпорацияны кытта саҥа тиһиги тэрийии Арктика ыраах сытар нэһилиэнньэлээх пууннарыгар таһаҕаһы тиэрдии эрэллээх буолуутун үрдэтиэ, ону тэҥэ Хотугу байҕал суолунан таһыы-тиэйии сыанатын табыгастаах оҥоруо. Оператор хоту таһаҕаһы тиэйиини кыттааччыларын кытта үлэлэһиэ, байҕал пуортарын икки ардыларыгар каботажнай таһыы маршрутун уонна бириэмэтин оҥоруо, итиэннэ таһыыны бэйэтэ толоруо.
Сөбүлэҥ чэрчитинэн бастакы таһыылар эһиилгиттэн саҕаланыахтара, оператор Хоту уонна Арктика наадатыгар 15 тыһыынча кэриҥэ туонна ньиэп бородууктатын тиэрдиэҕэ. Кэлэр өттүгэр Биир кэлим байҕал операторын устар аалын көмөтүнэн хоту таһаҕаһы тиэйиигэ кыттар тэрилтэлэр испииһэктэрэ уонна таһаҕас кээмэйэ кэҥиэҕэ диэн былааннанар.
«Хоту таһаҕаһы таһыы-тиэйии — көннөрү тырааныспар-логистика соруктарын быһаарыы буолбатах. Аҕалыллыбыт таһаҕас хас биирдии киилэтиттэн гражданнар олохторун хаачыстыбата, дьиэ кэргэттэрин этэҥҥэ олоруута тутулуктаах. „Росатом“ корпорацияны кытта биир кэлим байҕал операторын быһыытынан үлэлэһии логистическай бырассыас эрэллээх буолуутун уонна көдьүүһүн туспа таһымҥа таһаарар кыаҕы биэриэ», — диэн СӨ премьер-миниистирэ Кирилл Бычков ТГ-ханаалыгар суруйар.
Араҥаччылыыр аналлаах силиһэ-мутуга дириҥээбит, чэчирии үүнэр Ийэ Хатыҥы санатар Надежда Игоревна дьылҕатыгар биир олус суолталаах…
Куобах аас-туор сылларга дьону хоргуйууттан өрүһүйбүт кыыл буолар. Кини этэ эрэ буолбакка, тириитэ олус сылаас…
Үөһээ Халымаҕа бырабыыталыстыба отчуотун кэмигэр СӨ Ыччат дьыалаларыгар уонна социальнай коммуникацияларга миниистирэ, "Биир ньыгыл Арассыыйа"…
Байыаннай дьайыы буола турар сиригэр Саха сирин тирэх пуунун өрөмүөннүүр бөлөҕө өссө эбии 8 тырааныспары…
Бүгүн, олунньу 5 күнүгэр, Ил Дархан Айсен Николаев Саха сиригэр оҥоһуу өйү кытта үлэлиир учуонайдары,…
Сүөһү быарын астыыр олус уустук диэн ааттыллар. Ол да курдук, буһарыы технологиятын тутуспатахха кытаанах уонна…