Хаартыска: https://ru.freepik.com/
Сүөһү быарын астыыр олус уустук диэн ааттыллар. Ол да курдук, буһарыы технологиятын тутуспатахха кытаанах уонна сүмэһинэ суох буолар. Бүгүн уопуттаах асчыттар араас кылгас ырысыаптарын кытта үллэстэбит.
Ырысыаба: 400 гр быар, 1 уст. эриэппэ луук, 1 орто моркуоп, 250 гр ынах арыыта, туус, хара биэрэс.
Луугу, моркуобу мас арыытыгар ыһаарылыыбыт. Быары оргуйа турар ууга уган буhарабыт, ол кэннэ мясорубкаҕа эрийэбит уонна нэлэгэр иhиккэ кутан, холодильникка сойута уурабыт.
Ырысыаба: 500 гр эриллибит быарга 1 ыст. үүт, 2 сымыыт, 1 ч.нь. туус, 1/2 биэрэс, 1 ост.нь. бурдук кутабыт, барытын булкуйабыт.
Тиэстэни хобордооххо блины курдук буһараҕын. Моркуобу теркалаан, эриэппэ луугу быһан тэҥҥэ ыһаарылыыгын. Блинылар икки ардыларыгар ыһаарылламмыт моркуобу, эриэппэ луугу уурабыт, торт быһыылаах хомуйабыт.
Ырысыаба: 500 гр быарга 4 сымыыт, 0,75 гр бурдук, ыстакаан ортотунан үүт, туус, тума.
Састаабын барытын холбоон ытыйабыт. Блины тиэстэтиттэн арыый да хойуу буолуон сөп. Духуопка илииһин мас арыытынан сотон баран, быары чараас гына тэнитэ кутабыт уонна 200С кыраадыска 15-20 мүн. устата буһарабыт. Буспут быары майонеһынан сотобут, иһигэр тугу баҕар угуохха сөп, ол кэннэ рулет курдук эрийэбит. Хомуйбут рулеты майонеһынан сотобут уонна духуопкаҕа 150-180 С кыраадыска аҕыйах мүнүүтэ уган ылабыт.
Ырысыаба: 1 кг быар, 0,5 кг хортуоппуй, 2 орто эриэппэ луук, 3-4 моркуоп, 2 сымыыт, 4 чосунуок.
Бурдугу көрөн кутаҕын. Быары, хортуоппуйу, луугу, чосунуогу, моркуобу мясорубкалыыгын. Эриллибит быарга сымыыт, туус, биэрэс, кыратык бурдук кутабыт — алаадьы тиэстэтин курдук хойуу соҕус буолар. Тиэстэбитин алаадьы курдук кыра арыыга буһарабыт.
Ырысыаба: 500-600 г. ынах быара, 2 эриэппэ луук, 2-3 уст. улахан моркуоп, 2 сымыыт, 1 ост.нь. крахмал, туус, биэрэс, бэйэҥ сөбүлүүргүнэн тума (приправа).
Моркуобу бөдөҥ гына теркалыыбыт, луугу бытархай гына кырбыыбыт, мас арыытыгар сымныар диэри ыһаарылыыбыт, чосунуок эбиэххэ сөп.
Быары кубиктыы кырбыыбыт, икки сымыыт, сойбут моркуоп, луук, 1 ост. нь. крахмал, туус, биэрэс, тума кутан булкуйабыт. Сылыйбыт мас арыытыгар ньуосканан баһан алаадьы быһыылаах кутабыт, икки өттүттэн саһарыар диэри ыһаарылыыбыт.
2025 с. архыыптан.
ИДьМ пресс сулууспата иһитиннэрбитинэн, Дьокуускай куорат 1-кы №-дээх полиция отделыгар куорат олохтооҕо дьахтартан үҥсүү киирбит.…
РФ Бэрэсидьиэнэ Владимир Путин көҕүлүүр “Дьиэ кэргэн” национальнай бырайыагын чэрчитинэн ыытыллар үлэ сүрүн соруктарыттан биирдэстэринэн…
Саха сирин биллиилээх судаарыстыбаннай уонна уопсастыбаннай диэйэтэлэ, Саха АССР Үрдүкү Сэбиэтин ХII ыҥырыытын норуодунай дьокутаата,…
Дьокуускай куорат 2-с №-дээх полициятын отделыгар олохтоох киһи дьиэтиттэн 50 тыһыынча солкуобайын уордарбытын туһунан үҥсүү…
Дьокуускай куорат Октябрьскай уокуругар Саха сирин суруналыыстарын уонна суруйааччыларын искибиэрин тутар былаан баар. Бу көҕүлээһини…
Арассыыйаҕа чэпчэтиилээх автокирэдьиит бырагыраамата ахсынньы 1 күнүттэн саҥаттан үлэтин саҕалыаҕа. Бу туһунан РИА Новости ааҕыныстыбаҕа…