Росгвардия үлэһиттэрэ тоҥон өлөн эрэр киһини быыһаатылар

Росгвардия үлэһиттэрэ тоҥон өлөн эрэр киһини быыһаатылар.

Бу туһунан СӨ Росгвардия управлениетын пресс-сулууспата иһитиннэрдэ.  Ол курдук, сарсыарда Дьокуускай куорат Автодорожнай уулуссатыгар тротуарга киһи сытарын туһунан иһитиннэрии киирбит. Росгвардия үлэһиттэрэ ыйыллыбыт миэстэҕэ  тута тиийбиттэр. Көрбүттэрэ эдэр киһи өйө суох сытар эбит. Таҥаһа-саба кыһыҥҥылыы. Илиитин, сирэйин үлүппүтүн бэлиэтии көрбүттэр. Эдэр киһини тута массыынаҕа киллэрбиттэр уонна суһал мэдиссиинэ көмөтүн ыҥырбыттар.

Миэдиктэр эдэр киһи сирэйин, икки илиитин, атахтарын тарбахтарын үлүппүтүн туһунан иһитиннэрбиттэр. Уолу суһаллык балыыһаҕа ыыппыттар.