Роспотребнадзор: Аҥаарданан атыыланар арбуһу атыылаһымаҥ!

Саха сирин олохтоохторугар арбуһу уонна дыняны аҥаардаан эбэтэр кэрчиктээн атыылыыр буоллахтарына атыылаһартан тутуналларыгар сүбэлээтилэр.
Маннык бородууксуйа санитарнай-эпидемиологическай ирдэбиллэргэ эппиэттээбэт диэн Роспотребнадзор управлениетыгар иһитиннэрдилэр.
«Нэһилиэнньэҕэ бахча култуураларын кэрчиктээн уонна аҥаардаан быһыталаан атыылыыр көҥүллэммэт. Ону таһынан, бахча култуураларын астарын сиргэ ууран харайар көҥүллэммэт», — диэн иһитиннэриигэ этиллэр.
Биэдэмистибэҕэ бэлиэтээбиттэринэн, арбузтары уонна дынялары ырыынактарга, дьаарбаҥкаларга анал лотуоктарга харайыллыбыттарын эрэ атыылаһыахха сөп. Ол эрээри табаар хантан аҕалыллыбытын, хаачыстыбатын уонна куттала суоҕун бигэргэтэр докумуоннаах буолуохтааҕын ирдэһэр наадалаах. Арбузтары уонна дынялары атыылыыр санитарнай-ветеринарнай эспэртииһэ ыытыллыбытын уонна сөптөөх туоһу сурук бэриллибитин кэннэ эрэ көҥүллэнэр.
Биэдэмистибэҕэ сэрэтэллэринэн, арбуз эбэтэр дыня быһыллыбыт сиригэр бактериялар түргэнник үөскүүллэр.
Сообщить об опечатке
Текст, который будет отправлен нашим редакторам: