Салгыы
Ростов-на-Дону куоракка Саха сирин быраастарын саҥа биригээдэтэ айаннаата

Ростов-на-Дону куоракка Саха сирин быраастарын саҥа биригээдэтэ айаннаата

Ааптар:
29.11.2022, 13:50
Бөлөххө киир:
Мобильнай биригээдэ састаабыгар  психиатр-быраас, психолог Туяра Решетникова уонна үс хирург, ол иһигэр иккитэ номнуо анал байыаннай дьайыы зонатыгар үлэлээбит  Мэдиссиинэ национальнай киинин Педиатрическай киинин  травматологияҕа отделениетын сэбиэдиссэйэ Сергей Васильев, Өлөөннөөҕү киин балыыһа кылаабынай бырааһа, хирург Назар Аммосов, хирург Анатолий Слепцов бааллар. Быраастар Уопсастыбаннай доруобуйа уонна мэдиссиинэ профилактикатын өрөспүүбүлүкэтээҕи  киинин кылаабынай бырааһа  Алёна Никитина салалтатынан үлэлиэхтэрэ.

Мобильнай биригээдэ бу күннэргэ Ростов-на-Дону куоракка үлэлээбит, Дьокуускай куораттааҕы 3 нүөмэрдээх балыыһа кылаабынай бырааһа Светлана Давыдова салайааччылаах быраастар бөлөхтөрүн солбуйуоҕа.

Саха сирин быраастара салгыы Ростов-на-Дону куоракка баар 1602 нүөмэрдээх Байыаннай килиниичэскэй балыыһаҕа үлэлииллэрин туһунан быһаарыныы ылыныллыбыт. Бу балыыһаҕа анал байыаннай  дьайыыга сылдьан эчэйиини ылбыт байыаннайдар эмтэнэллэр.

«Ил Дархан  Айсен Николаев быһаарыытынан биһиги байыаннай госпиталга командировкаҕа баран, саамай сүрүн сорукпут быһаарылынна. Ол курдук, Саха сириттэн байыаннай эпэрээссийэҕэ кытта сылдьан эчэйиини ылбыт биир дойдулаахтарбытын кытары үлэ чопчуланна.  Ростов-на-Дону куоракка баар байыаннай госпиталтан бааһырбыт дьон салгыы атын балыыһаҕа баран эмтэнэллэрэ быһаарыллар», — диэн Светлана Давыдова эттэ.

Ол курдук, бу госпиталтан байыаннайдар  Москваҕа  (Академик Н.Н. Бурденко аатынан кылаабынай байыаннай килиниичэскэй госпиталга уонна А.А. Вишневскай аатынан киин байыаннай килиниичэскэй  госпиталга), Санкт-Петербург куоракка (Академик М.С. Киров аатынан байыаннай-мэдиссиинискэй  академияҕа) итиэннэ Иркутскайга уонна  Владивостокка баар госпиталларга салгыы баран эмтэнэллэр.

Маны таһынан байыастары  Ставропольскай кыраай,  Саратов, Самара уонна да атын Арассыыйа киин куораттарыгар баар госпиталларга ыытыахтарын сөп.

Мобильнай биригээдэ бастакы састаабыгар  Дьокуускай куораттааҕы 3 нүөмэрдээх балыыһа кылаабынай бырааһа Светлана Давыдова, травматолог-быраас  Анатолий Потапов уонна  килиниичэскэй  психиатр-быраас  Александр Григорьев үлэлээтилэр.

+1
0
+1
0
+1
0
+1
0
+1
0
+1
0
+1
0
Бары сонуннар
Салгыы
29 марта
  • -15°C
  • Ощущается: -22°Влажность: 47% Скорость ветра: 4 м/с

Сообщить об опечатке

Текст, который будет отправлен нашим редакторам: