Салгыы
Ржев куораты босхолооһун 80 сылыгар аналлаах “төгүрүк остуол” иитинэн байыастары наҕараадалаатылар

Ржев куораты босхолооһун 80 сылыгар аналлаах “төгүрүк остуол” иитинэн байыастары наҕараадалаатылар

21.03.2023, 19:34
Хаартыска: Денис Попов.
Бөлөххө киир:

Өрөспүүбүлүкэтээҕи медиа-кииҥҥэ Аҕа дойду Улуу сэриитигэр Ржев куораты ньиэмэс өстөөхтөрүттэн босхолооһун 80 сылыгар аналлаах “Патриотизм. Аныгы көрүү” диэн “төгүрүк остуол” буолан ааста.

Устуоруйа туоһулуурунан, Ржев куорат иhин кыргыhыыга 1,3 мөлүйүөнтэн тахса сэбиэскэй саллаат суох буолбута, 400-тэн тахса тыhыынча киhи сураҕа суох сүппүтэ. Бу кырыктаах кыргыһыыга Саха сириттэн 2 тыһ. тахса буойун сэриилэспитэ биллэр. Түөрт уонтан тахса сыл устата Тверской уобаласка хаһыы үлэлэрэ бараллар. Саха сирин ыччата манна эмиэ кыттар.  Ил Түмэн сир сыһыаннаһыыларыгар, айылҕа ресурсаларыгар уонна экологияҕа сис кэмитиэтин бэрэссэдээтэлэ Сахамин Афанасьев: “Кулун тутар саҥатыгар «Бойобуой дьайыылар бэтэрээннэрэ» ассоциация бэрэссэдээтэлэ Иван Петрович Черкашинныын Луганскай НӨ, Харьков уобаластарга сылдьыбыппыт. Эһиги үлэҕитин онно, ыстаапка илэ харахпытынан көрбүппүт. Дивизия салалтата инники күөҥҥэ, кыһыл лиинньийэҕэ сылдьар байыастарбыт үлэлэрин үрдүктүк сыаналыыр, 30-тан тахса байыаһы РФ судаарыстыбаннай наҕаарадатыгар түһэрдилэр. Бу 47-с дивизия салалтата, Оборуона министиэристибэтэ биһиги инники күөҥҥэ сылдьар байыастарбытын сыаналыырын туоһулуур. Луганскай НӨ баһылыга Л.И.Пасечник Иван Петрович Черкашинынан Луганскай Норуодунай Өрөспүүбүлүкэ бойобуой наҕараадаларын тиэртэ. Эһиэхэ сүгүрүйэбит”, — диэн эттэ, итиэннэ ЛНӨ, 47-с танковай дивизия, Барс-2 батальон ыстаабын салалтатыттан хорсун быһыыларын иһин бойобуой наҕараадалары туттарда.

СӨ Ил Дархана Айсен Николаев аатыттан сүбэһит Георгий Балакшин байыаннай сулууспалаахтарга махтал тылларын тиэрдэн туран, сахалыы быһахтары туттарда.

Наҕараадаламмыттар ааттарыттан: “Өйүүргүтүгэр, умнубаккытыгар махталбытын тиэрдэбит. Маҥнай байыаннай эпэрээссийэ саҕаланыыта уопсастыба араастаан сыһыаннаһара. Төрөөбүт өрөспүүбүлүкэбитигэр кэлбиппитин кэнниттэн дьон  биһиги туспутугар “ыалдьара”, өйүүрэ көстөр, дьиэҕэ күүтэллэрэ, эрэнэллэрэ улахан суолталаах, күүскэ күүс эбэр, махтал”, — диэн харда тылы Анатолий Храмов эттэ.

“Төгүрүк остуолу” “Саха бэчээт” тэрилтэ, Улуус медиа таһаарыы тэрийэн ыыттылар. Саха сириттэн Аҕа дойду Улуу сэриитигэр кыттыбыт дьон хорсун быһыыларын, кыайыы туһугар киллэрбит уопсай кылааттарын, Ржев кыргыһыытыгар ытык иэстэрин төлөөбүттэри кэриэстээн ааһабыт, сонуну киэҥник тарҕатар ситим бэрэстэбиитэллэрэ бу туһунан ахтар, кинилэр хорсун быһыыларын кэпсиэх тустаахпыт диэн “Саха бэчээт” тэрилтэ генеральнай дириэктэрэ Ньургуйаана Стручкова бэлиэтиир.

+1
0
+1
0
+1
0
+1
0
+1
0
+1
0
+1
0
Бары сонуннар
Салгыы
25 июля
  • 24°C
  • Ощущается: 24°Влажность: 69% Скорость ветра: 3 м/с

Сообщить об опечатке

Текст, который будет отправлен нашим редакторам: